მანამდე ისინი პარლამენტთან იყვნენ შეკრებილები, სადაც რუსულ კანონს აპროტესტებდნენ.

რატომ არის მნიშვნელოვანი: პარლამენტთან პუბლიკას დირექტორი, ზურა ვარდიაშვილი და ტაბულას ჟურნალისტი, ბექა ჯიქურაშვილი დააკავეს.

  • ვარდიაშვილი საპატრულო პოლიციის უფროსის, ვაჟა სირაძის მითითებით, მას შემდეგ დააკავეს, რაც პოლიციელებს მიმართა შეძახილით — მოღალატეებო.
  • მანამდე, On.ge-ის რედაქტორი, ნეტგაზეთის ჟურნალისტი და ფორმულას ფოტოგრაფი პარლამენტის ეზოდან ძალის გამოყენებით გამოყარეს.

დეტალები: ჟურნალისტები ითხოვენ, გაათავისუფლონ დაკავებული კოლეგები.

  • შსს-ში ამბობენ, რომ აქციაზე ადამიანებს წვრილმანი ხულიგნობისა და პოლიციისადმი დაუმორჩილებლობის გამო აკავებდნენ.