ასე მიმართა ანტიდასავლური ძალის წევრმა, ეკა სეფაშვილმა ოპოზიციონერ დეპუტატებს, რომლებიც შეძახილებით, "მონა" მიმართავდნენ.

რატომ არის მნიშვნელოვანი: სხდომაზე, სადაც რუსულ კანონპროექტს განიხილავენ, ხმაური და დაპირისპირებაა, განხილვა კი მედიისა და არასამთავრობო სექტორის პროტესტის ფონზე მიმდინარეობს.

  • მათ სხდომაზე შესვლის უფლება არ მისცეს — ძალის გამოყენებით გააძევეს დარბაზიდან რამდენიმე ოპოზიციონერიც.
  • სამაგიეროდ, განხილვას ესწრებიან "ხალხის ძალის" აქტივისტები, ქართული ოცნების პროპაგანდისტები და ნანა კაკაბაძე, ორგანიზაცია ყოფილი პოლიტპატიმრები ადამიანის უფლებებისთვის დამფუძნებელი.

ანტიდასავლელმა დეპუტატმა ევროპულობისკენ ოპოზიციონერ წევრებს მას შემდეგ მიმართა, რაც მათ სეფაშვილს "დამატებითი განმარტების" გაკეთების შესაძლებლობა არ მისცეს.

  • მეტიც, მან მანდატურებსაც კი მოუწოდა, რომ წესრიგი დაიცვან.
  • "ამას ეძახით ევროპელობას, რომ ლაპარაკს არ აცდით ადამიანს? ეს არის თქვენი ევროპულობა, თქვენი ევროინტეგრაცია? ეს გინდათ? კულტურა გამოიჩინეთ და მომისმინეთ, კულტურა, ზრდილობა, ეთიკა", — ამ სიტყვებით მიმართა კოლეგებს.