შესაბამისი განცხადება პრეზიდენტის ადმინისტრაციამ გაავრცელა.

რატომ არის მნიშვნელოვანი: ადმინისტრაციის ინფორმაციით, საბჭოს სხდომაზე განხილული საკითხები მოიცავდა მსოფლიო და რეგიონული უსაფრთხოების მნიშვნელოვან ტენდენციებს, მათ შორის, უკრაინაში მიმდინარე საომარ მოქმედებებს, საქართველოს წინაშე არსებულ გამოწვევებს, ოკუპირებულ ტერიტორიებზე მიმდინარე პროცესებსა და საფრთხეების შეფასების დოკუმენტს.

  • პრეზიდენტი მიიჩნევს, რომ ეს თემები ყველა შემთხვევაში მოითხოვდა მათი წარმომადგენლის საბჭოზე დასწრებას.

დეტალები: ზურაბიშვილის ადმინისტრაციის ცნობით, რეზიდენტმა არაერთხელ დააყენა ეროვნული უსაფრთხოების საბჭოს მოწვევის საკითხი.

  • "ასევე, ხაზი გაუსვა, ამ ფორმატში, რუსეთის მოქალაქეების საქართველოში შემოსვლით არსებული გამოწვევების შესწავლის აუცილებლობას, რასაც რეაგირება არ მოჰყოლია. ქვეყნის წინაშე მდგარი გამოწვევებიდან გამომდინარე, ძნელი გასაგებია ქვეყნის უმაღლესი მთავარსარდლის წარმომადგენლის ამ განხილვების გარეთ დატოვება", — ნათქვამია განცხადებაში.