ახალი ამბები On.ge

კელი დეგნანი

კელი დეგნანი

1 Mar. 2023, 18:15

აქ მთავარია, რა არის საქართველოს ინტერესებში. საქართველოს არ სჭირდება ამ კანონის არცერთი ვერსია. ასევე ცხადია, რომ ნებისმიერი პირი, რომელიც ამ კანონპროექტის ნებისმიერ ვერსიას მხარს დაუჭერს, პირდაპირ პასუხისმგებელი იქნება საქართველოს ევროატლანტიკური მომავლის საფრთხის ქვეშ დაყენებისთვის. აშშ, გაერო, ევროკავშირი, ევროსაბჭო, საქართველოს მეგობარი ქვეყნები, ყველა მოუწოდებს საქართველოს პარლამენტს ამ კანონპროექტს მსვლელობა არ მისცენ. ეს კანონპროექტი შეაჩერებს ქართულ ორგანიზაციებს და ჯგუფებს, რომლებიც ცდილობენ დაეხმარონ ქვეყნის მოსახლეობას პირობების გაუმჯობესებაში. [...] 

რა არის ამ კანონპროექტის მიღების რეალური მიზეზი, რაც ქვეყანას არ სჭირდება და საქართველოს ევროატლანტიკურ მომავალს საფრთხის ქვეშ აყენებს? ქართველმა ხალხმა მკაფიო არჩევანი გააკეთა ევროატლანტიკური მომავლისკენ. 

განაცხადა აშშ-ის ელჩმა ჟურნალისტებთან შეხვედრისას. ქართული ოცნებიდან ფორმალურად წამოსული დეპუტატებით დაკომპლექტებულმა ანტიდასავლურმა მოძრაობამ, ხალხის ძალამ კანონპროექტი შეიმუშავა, რომლის მიზანიც მედიისა და არასამთავრობო ორგანიზაციების დისკრედიტაციაა. მათ სურთ, შეიქმნას "უცხოური გავლენის აგენტების რეესტრი", სადაც დარეგისტრირდება ყველა არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოეთიდან ფინანსდება. მსგავსი კანონი მოქმედებს რუსეთში — ქართველი დეპუტატების მსგავსად, ოკუპანტი ქვეყნის საკანონმდებლო ორგანო მის მიღებას მოქალაქეების ინტერესების, ქვეყნის უსაფრთხოებისა და სუვერენიტეტის "უცხოური გავლენებისგან" დაცვის მოტივით ხსნიდა, საბოლოოდ, კი კრემლმა მედიების, ორგანიზაციებისა და თავისუფალი სიტყვის წინააღმდეგ გამოიყენა.

0 0

კომენტარები

კვირის ტოპ-5

  1. რუისში, ქარის ელექტროსადგურის მშენებლობისას ორი სამარხი აღმოაჩინეს, აქედან ერთი მოზარდის ნეშტია
  2. ნატა ფერაძეს "ხაშურის მუნიციპალიტეტის" ადმინმა უჩივლა — რა გახდა კონფლიქტის მიზეზი?
  3. ვინ არიან თემურ უგულავას მემკვიდრეები, ვისაც მისი აქტივების მართვის უფლება აქვთ?
  4. მაია ბითაძეს ორი ახალი მოადგილე ჰყავს
  5. სუს-ის უფროსის მესამე მოადგილედ დავით არჩვაძე დაინიშნა

გირჩევთ

ახლა კითხულობენ

გადახედვა

რუსეთის დუმის არჩევნებში "ერთიანმა რუსეთმა" ხმების 57.86% მოიპოვა — ანალიტიკოსები გაყალბებებზე საუბრობენ

რუსეთში სახელმწიფო დუმის არჩევნების სამდღიანი კენჭისყრა დასრულდა. რუსეთის ფედერაციის მე-9 მოწვევის სახელმწიფო…