კლიჩკო: მადლობელი ვართ თქვენი გამბედაობის, თავისუფლების და დამოუკიდებლობის სურვილისთვის

24 Feb. 2023, 19:54

მინდა მადლობა გადავუხადო ქართველ ხალხს უკრაინელთა ბრძოლის მხარდაჭერისათვის. თქვენი სოლიდარობისა და პოზიციისთვის. თქვენ ყველაზე უკეთ იცით, რა არის რუსული აგრესია, რა უბედურება, სიკვდილი და ნგრევა მოაქვს, როგორ ცდილობს რუსეთი მეზობელი ქვეყნების ოკუპაციას.

ქართველები არამხოლოდ მორალურად უჭერენ მხარს უკრაინელებს და ჩვენ ამას ვაფასებთ. თქვენი ჯარისკაცები ჩვენს გვერდით იბრძვიან უკრაინის თავისუფლებისა და დამოუკიდებლობისათვის. პატივს ვცემ 36 მამაცი ქართველის ხსოვნას, რომლებიც დაიღუპნენ უკრაინისთვის.

რუსი ბარბაროსების ფართომასშტაბიანი შეჭრის დაწყებიდან დაიჭრა მრავალი ჯარისკაცი, ნაწილი რუსებმა ტყვედ აიყვანეს. ჩვენ მადლობელი ვართ თქვენი გამბედაობის, თავისუფლების და დამოუკიდებლობის სურვილისთვის.

დარწმუნებული ვარ, რომ უკრაინაც და საქართველოც, რომლის ხალხიც დემოკრატიული ევროპისკენ ისწრაფვიან, წარმატებით გადალახავს ამ გზას და ჩვენი ქვეყნები გახდებიან ევროკავშირის წევრები და ვერავინ შეუშლის ხელს ჩვენს ხალხს, გააცნობიერონ თავისი ცივილიზებული არჩევანი.

დღეს ჩვენ ასევე ვიცავთ ევროპას და მის ღირებულებებს. დიდება უკრაინას! დიდება საქართველოს! დიდება ჩვენს გმირებს!

ბოლო ამბები:

ვიტალი კლიჩკო კლიჩკო: მადლობელი ვართ თქვენი გამბედაობის, თავისუფლების და დამოუკიდებლობის სურვილისთვის

კომენტარები

კვირის ტოპ-5

გირჩევთ

ახლა კითხულობენ

მეცნიერებმა მინიატიურული ტვინები შექმნეს, რომლებიც დროის გასვლას აღიქვამს