კორუფციის წინააღმდეგ დაგეგმილ მიტინგზე წასვლამდე, ვლადიმერ პუტინის მოწინააღმდეგე, რუსი ოპოზიციონერი, ალექსეი ნავალნი საკუთარი სახლის შესასვლელთან დააკავეს. ამის შესახებ, ნავალნის ცოლმა, იულია ნავალნაიამ ტვიტერზე გაავრცელა ინფორმაცია, რომელიც ასევე იტყობინება, რომ ამით მათი გეგმები არ შეიცვლება:

"ალექსეი დააკავეს სახლის შესასვლელთან. მან გთხოვათ, რომ გეგმები არ უნდა შეიცვალოს: ტვერსკაია".

BBC არასამთავრობო ორგანიზაცია OVD-Info-ის ინფორმაციით იუწყება, რომ 121 ადამიანი დააკავეს მოსკოვში და 137 სანკტ-პეტერბურგში.

ალექსეი ნავალნის ნებართვა ჰქონდა, რომ მოსკოვში, სახაროვას გამზირზე გაემართა მიტინგი, თუმცა გვიან შეცვალა ადგილმდებარეობა და კრემლთან ახლოს, ტვერსკაიას ქუჩაზე დაგეგმა.

რუსეთის მთავარმა პროკურორმა განცხადება გაავრცელა, სადაც ნათქვამია, რომ დაგეგმილი აქციები უკანონოა: "სამართალდამცავი ორგანოები ყველა საჭირო ზომას მიიღებენ, პროვოკაციებისა და მასობრივი არეულობის თავიდან ასაცილებლად".

აქციები იმართება რუსეთის რამდენიმე ქალაქში, მათ შორის, ვლადივოსტოკში, ბლაგოვეშენსკსში და ყაზანში. მოსოვსა და სანკტ-პეტერბურგში მიტინგს უამრავი ადამიანი ესწრება.

ნავალნის YouTube არხზე ჩანს, რომ მიტინგი ამ წუთებშიც მიმდინარეობს.