დღეს გამართულ მთავრობის სხდომაზე სომხეთის პრემიერმინისტრმა ოფიციალურად დაადასტურა აზერბაიჯანისთვის სამშვიდობო შეთავაზების გაგზავნა.

რატომ არის მნიშვნელოვანი: სომხეთისა და აზერბაიჯანის კონფლიქტი რამდენიმე ათწლეულია გრძელდება.

  • აზერბაიჯანმა ოფიციალურად დაადასტურა, რომ 2020 წლის სექტემბერში მთიან ყარაბაღში მეორე ომი წამოიწყო. ცეცხლის შეწყვეტის მიუხედავად, რეგიონში ხშირია სასაზღვრო კონფლიქტები.
  • ამ დრომდე ბლოკირებულია ლაჩინის დერეფანი, რომელიც მთიანი ყარაბაღისთვის ერთადერთი დამაკავშირებელი გზაა სომხეთსა და დანარჩენ მსოფლიოსთან. რეგიონში ჰუმანიტარული კრიზისია.

დეტალები: ფაშინიანის თქმით, შეთანხმება უნდა ითვალისწინებდეს ორმხრივი კონტროლის მექანიზმებს, რათა თავიდან აიცილონ სამშვიდობო წესის დარღვევა.

  • "რა თქმა უნდა, ეს აზერბაიჯანისთვისაც მისაღები უნდა იყოს", — განაცხადა ფაშინიანმა და გამოთქვა მზადყოფნა, რომ ნებისმიერ დროს მზადაა დოკუმენტს ხელი მოაწეროს.
  • ხელშეკრულების პროექტის ასლები გაეგზავნა მინსკის ჯგუფის ხელმძღვანელ ქვეყნებს, — რუსეთს, აშშ-ს და საფრანგეთს.