ამის შესახებ ინფორმაციას კულტურის მინისტრი თეა წულუკიანი სოციალურ ქსელში აქვეყნებს.

რატომ არის მნიშვნელოვანი: ქეთა გაბიანმა 2022 წლის თებერვალში გამოაქვეყნა პოსტი, რომელშიც ის თეა წულუკიანს შეურაცხმყოფლად მოიხსენიებს და წერს, რომ "უნდა დამარხოს".

  • მინისტრმა მოქალაქის პოსტის გამო სასამართლოს მიმართა.

ფოტო: თეა წულუკიანი / Facebook

დეტალები: წულუკიანი წერს,რომ პოსტის ავტორი სასამართლომ დამნაშავედ ცნო სისხლის სამართლის კოდექსის 151-ე მუხლის პირველი ნაწილით და სასჯელად განესაზღვრა ჯარიმა 2 000 ლარის ოდენობით.

  • კულტურის მინისტრი ამბობს, რომ პოსტის ავტორი დღეს სასამართლო დარბაზში ნახა.
  • "დღეიდან იგი სისხლის სამართლის დამნაშავეა და არა — ნაცური კეთილშობილების დედამიწაზე დამკვიდრებისათვის მებრძოლი ენჯეო-ამორძალი";
  • "ეს მნიშვნელოვანი სასამართლო პრეცედენტია!" — წერს წულუკიანი.