უკრაინაინული მეტალ ბენდი JINJER ფეისბუკის ოფიციალურ გვერდზე დღეს, 4 ივნისს, თბილისში, სასულიერო პირებისა და მრევლის მიერ Tilisi Jem Fest 2016-ის ჩაშლის შემდეგ წერს, რომ ისინი შოკირებულნი არიან ფესტივალზე "ფანატიკოსთა თავდასხმითა და პოლიციელთა უმოქმედობით":

"მეგობრებო, ცუდი ამბავი, რომელიც უნდა გაგიზიაროთ!

პირველად მრავალი წლის განმავლობაში, JINJER–ის პერფორმანსი რელიგიური ფანატიკოსების თავდასხმის გამო შეწყდა. Tbilisi JAM Fest ჩაიშალა, რადგან მონასტერი მდებარეობს ფესტივალის ადგილიდან 1 კილომეტრში, მღვდლებმა ფესტივალის ტერიტორიაზე მოიყვანეს გაბრაზებულ მორწმუნეთა ჯგუფი. მიუხედავად იმისა, რომ ფესტივალს ადგილობრივი ხელისუფლებისგან ყველა საჭირო ნებართვა ჰქონდა, ფანატიკოსებმა გაგვითიშეს შუქი. ყველაზე შოკისმომგვრელი იყო ის, რომ პოლიცია შორიახლოს იდგა და უყურებდა. სამწუხაროა იმის გაცნობიერება, რომ საქართველოში, რომელიც ცივილიზებული ჩანდა, რელიგიას უფრო მეტი ძალა აქვს, ვიდრე კანონს. იმედი გვაქვს ფესტივალის ორგანიზატორები მოძებნიან ალტერნატიულ ადგილს და ჩვენ შევძლებთ მსმენელისთვის დაკვრას უკრაინაში გამოფრენამდე".

ფესტივალზე მყოფმა ერთ–ერთმა პირმა, ცვატა ბერძენიშვილმა On.ge-ს განუცხადა, რომ სასულიერო პირები და მათთან ერთად მყოფი მოქალაქეები, კონცერტის შეწყვეტას ითხოვდნენ, მათი მთავარი არგუმენტი კი ის იყო, რომ "ახლოს სასაფლაოა" და "მუსიკის ხმა ეკლესიამდე ისმის".

ჩაშლილი მუსიკალური ფესტივალი თბილისში. 4 ივნისი, 2016.

ფოტო: JINJER

ჩაშლილი მუსიკალური ფესტივალი თბილისში. 4 ივნისი, 2016.

ფოტო: JINJER

სასულიერო პირების მისვლიდან მალევე, ადგილზე გაითიშა ელექტროენერგია და კონცერტი შეწყდა.

ფესტივალზე დასწრების ღირებულება 30–დან 80 ლარამდე მერყეობდა. ღონისძიების ფარგლებში მსმენელის წინაშე შემდეგი შემსრულებლები უნდა გამოსულიყვნენ:

4 ივნისი

  • xResistenciAx [ge]
  • EUPHORIA [am]
  • PYRAWEED [az]
  • E.T.C. [ge]
  • DAGDAGANI [ge]
  • SUMMONED TIDE [swe]
  • DISMORIAL [ge]
  • JINJER [ua]

5 ივნისი

  • THIRD SIDE JUSTICE [ge]
  • INFADUS [ge]
  • NAIRI [am]
  • PERFECT LEGACY [am]
  • MENTALISTY [ge]
  • SERUMHATRED [az]
  • WALKWAYS [il]
  • TIAMAT [swe]