უკრაინის ოფიციალური პირები ამბობენ, რომ რუსეთმა S-300 რაკეტები გამოიყენა.

რატომ არის მნიშვნელოვანი: ოკუპანტები თავს ესხმიან კრიტიკულ ინფრასტრუქტურასა და საცხოვრებლებს.

  • ელექტროენერგია არ მიეწოდება ათასობით ადამიანს.
  • დაიბომბა საცხოვრებელი სახლები — როგორც უკრაინული მედია წერს, გარდაცვლილთა შესახებ ინფორმაცია მოწმდება.

უკრაინის საჰაერო ძალების განცხადებით გასულ ღამეს ოკუპანტებმა გაისროლეს რეკორდული რაოდენობის S-300 — 35 რაკეტა.

  • სარდლობის ცნობით, S-300-ს განადგურება ჰაერში საჰაერო თავდაცვის საშუალებით შეუძლებელია.

დეტალები: დაბომბვის შედეგად ორივე რეგიონში დაზიანდა კრიტიკული ინფრასტრუქტურა — ქალაქ ხარკოვში 150 000 აბონენტი გაითიშა.

  • როგორც უკრაინსკა პრავდა წერს, ზაპოროჟიეში მთელი ღამის განმავლობაში იყო თავდასხმები. გამოცემა აღნიშნავს, რომ ერთ საათში ქალაქში მტრის 17 დესანტი დაფიქსირდა, რაც ყველაზე დიდი რიცხვია ომის დაწყებიდან.

ამ დროისთვის უკრაინის თითქმის მთელ ტერიტორიაზე საჰაერო განგაშია გამოცხადებული.