ამის შესახებ ფედერაციის განცხადებაშია საუბარი.

რატომ არის მნიშვნელოვანი: საქართველოს ნაკრების წევრის გვარი რუსული ფესტივალის აფიშაზე გამოჩნდა.

  • სპორტსმენი 28 იანვარს, ფინეთში, ევროპის ჩემპიონატზე საქართველოს სახელით ასპარეზობდა, სადაც მან გამარჯვება მოიპოვა და ფიგურულ ციგურაობაში საქართველოს პირველი ოქროს მედალი მოუტანა.

დეტალები: ფედერაციაში ამბობენ, რომ ციგურაობის ეროვნული ნაკრების წევრები ნებისმიერ ღონისძიებაში ხელმძღვანელობასთან შეთანხმებით მონაწილეობენ, მათ კი მსგავსი გადაწყვეტილება არ მიუღიათ.

  • "ამიტომ სრული პასუხისმგებლობით ვაცხადებთ, რომ ჩვენი ნაკრების სპორტსმენი მოსკოვში დაგეგმილ შოუში მონაწილეობას არ იღებს. როგორც ჩანს, კონკრეტული ვებგვერდი ცდილობს, მცდარი ინფორმაციის გავრცელებით საზოგადოებას ეჭვი გაუჩინოს და მისი უკმაყოფილება გამოიწვიოს", — ნათქვამია განცხადებაში.