ბეჟაშვილი: ოცნება ცდილობს, ქართული საზოგადოება კოლექტიური მკვლელების საზოგადოებად აქციოს

7 Feb. 2023, 13:08

საზოგადოებამ იხილა პოლიტიკური რევანშით ინსპირირებული, სამივე ხელისუფლების მიერ შეთანხმებული სისტემური დანაშაულებრივი მოქმედება საქართველოს მესამე პრეზიდენტის მიმართ. ეს გადაწყვეტილება არის რუსული რევანში საქართველოს წარმატების სიმბოლოზე, მიხეილ სააკაშვილზე. ეს გადაწყვეტილება არის საქართველოს ევროპული პერსპექტივის წინააღმდეგ გადაწყვეტილება, ვინაიდან ჩვენი დასავლელი პარტნიორები სწორედ მიხეილ სააკაშვილის მიმართ ჰუმანური, სამართლიანი გადაწყვეტილების მოლოდინებს უკავშირებდა საქართველოს ევროკავშირის კანდიდატის სტატუსს.

ამ ვითარებაში, როდესაც პოლიტიკური სივრცე აღარ არსებობს პოლიტიკური გადაწყვეტილებებისთვის და ხელისუფლება მხოლოდ პოლიტიკური შურისძიების მოტივით მოქმედებს, ფრაქცია ერთიანი ნაციონალური მოძრაობა იღებს გადაწყვეტილებას და ფრაქცია აღარ მიიღებს საპარლამენტო საქმიანობაში მონაწილეობას, რაც გულისხმობს არც პლენარულ სხდომებზე დასწრებას, არც საკომიტეტო, არც მოსმენებზე და არანაირ საპარლამენტო ფორმატში მონაწილეობას აღარ მივიღებთ. [...]

მანდატების დატოვებასთან დაკავშირებით გვექნება კონსულტაციები უცხოელ პარტნიორებთან, საპარლამენტო და გარე ოპოზიციური პარტიების წარმომადგენლებთან და ბუნებრივია, პოლიტიკური ვითარების განვითარების კვალდაკვალ ჩვენ პროტესტის კიდევ უფრო მძიმე ფორმებს გამოვიყენებთ.

ქართული ოცნება ცდილობს ქართული საზოგადოება აქციოს კოლექტიური მკვლელების საზოგადოებად, აიძულებს ხალხს, ვიყოთ ჩუმი თანამონაწილეები მესამე პრეზიდენტის მოკვდინების. 21-ე საუკუნეში ეს ჩვენმა საზოგადოებამ არ უნდა დაუშვას. ეს არის ჩვენი ღირსების ვალდებულება, ჩვენი ღირსების ტვირთი. მოვუწოდებთ ქართულ საზოგადოებას აქტიური სამოქალაქო პროტესტისკენ. [...]

ყველას მოვუწოდებ, დღეს 5 საათზე, მთავრობის კანცელარიასთან შევიკრიბოთ და ვაჩვენოთ ხელისუფლებას ხალხის ძალა.

ბოლო ამბები:

ლევან ბეჟაშვილი ბეჟაშვილი: ოცნება ცდილობს, ქართული საზოგადოება კოლექტიური მკვლელების საზოგადოებად აქციოს

კომენტარები

კვირის ტოპ-5

გირჩევთ

ახლა კითხულობენ

მწვერვალზე შეყვარებულის მიტოვების გამო ალპინისტი დამნაშავედ ცნეს