ხერხეულიძე ენმ-ის ახალ პოლიტსაბჭოზე: მარტის ნაცვლად, დღეს აურჩევიათ და გამოუგონებიათ კვოტები

5 Feb. 2023, 23:26

დღეს ჩატარდა პოლიტსაბჭოს სხდომა, სადაც არამცთუ ელექტრონული მეთოდით არჩევა შესთავაზეს ხალხს, არამედ მთლად ისეთი წესი მიიღეს, რომელიც მთლიანად უარს ამბობს დემოკრატიულ პრინციპებზე. მეგონა, ბევრ შეცდომას იმიტომ უშვებენ, რომ ჩვენგან განსხვავებული ფარული უნარების მქონეებს, მიხეილ სააკაშვილზე დარდით გათანგულებს, იმდენად დიდი წყურვილი აქვთ უმოკლეს დღეებში დაიხსნან ტყვე, რომ მიზეზიც ეს არის შეცდომების-მეთქი და ეს რა ვნახეთ — მარტის ნაცვლად, პოლიტსაბჭო დღეს აურჩევიათ და ელექტრონული არჩევნების ნაცვლად, საკუთარი სურვილებით გამოუგონებიათ კვოტები.

თავიანთივე მოგონილი არჩევნების შედეგით მიღებული 40%-ის მქონე კანდიდატი, ნიკა მელია საერთოდ ამოუღიათ სიიდან. ის ერთადერთი პლუსი, რაც ამ არჩევნებს ჰქონდა, თავზე გადაახიეს მონაწილე 40%-ს. სამაგიეროდ, ასეთი კვოტა მოუგონიათ "დამსახურების მიხედვით" და ამ კვოტით უსარგებლიათ 2012 წელს დამარცხების შემდეგ პუდელით გაქცეული ხალხისა და მისთანების დაკომპლექტებით.

სად იბრძოლეს, ვინ არიან, ერთად რომ მოზილო ყველა, ოდესმე რა გარჯა გაუწევიათ, საკუთარი ჩრდილით შეშინებულები, სად იყვნენ, საერთოდ? ამავე გაგების დამსახურებით პოლიტსაბჭოს სიიდან ამოუღიათ ის ხალხი, ვინც მსგავსი შტურმის პირობებში საკუთარი მხრებით შეინარჩუნეს პარტია. [...]

აქამდე ენმ-ისთვის უცნობი გვარ-სახელებით პოლიტსაბჭოს დაკომპლექტებას გამართლება რომ ჰქონოდა, მაგ., არსად არასდროს რომ არ გვინახავს, ისეთი დეპუტატების ტალღას შეჰყოლია ჩემი გვარიც. მხოლოდ ამ მიზეზით მომიწია საჯარო პოზიციონირება. ცხადია, იქ არ ვიქნები, სადაც ბრძოლაში დაღლილი ჩემი მეგობრებისთვის ადგილი არ დაგიტოვებიათ და დროზე ამომშალეთ მათ, ვისაც იმასაც კი არ გკითხავთ, არ გრცხვენიათ?!

ბოლო ამბები:

ეკა ხერხეულიძე ხერხეულიძე ენმ-ის ახალ პოლიტსაბჭოზე: მარტის ნაცვლად, დღეს აურჩევიათ და გამოუგონებიათ კვოტები

კომენტარები

კვირის ტოპ-5

გირჩევთ

ახლა კითხულობენ

რა გვჭირდება უხვ ნალექთან გასამკლავებლად? — საბა ბუაძის მოსაზრება