ახალმა განათლების მინისტრმა, ალექსანდრე ჯეჯელავამ, 4 ივნისს, პირველ სამუშაო დღეს, თბილისის სახელმწიფო უნივერსიტეტში განვითარებულ მოვლენებზე პირველი კომენტარი გააკეთა. მისი თქმით, იგი აუცილებლად ჩაერთვება მიმდინარე პროცესში:

"სიღრმისეული ინტერესები ყველა სტუდენტს, მიუხედავად იმისა თუ რომელ პოზიციას მიეკუთვნებიან ისინი, არის რომ უნივერსიტეტი გახდეს უკეთესი. მე დარწმუნებული ვარ, რადგან სახეზეა საერთო ინტერესები და ისინი რაიმე დესტრუქციულს არ ისახავენ მიზნად, ჩვენ აუცილებლად შევთანხმდებით და მეც მივიღებ ამ პროცესში მონაწილეობას."

ალექსანდრე ჯეჯელავამ სამინისტროს სამომავლო გეგმებზეც ისაუბრა და თქვა რომ სასკოლო განათლების გაუმჯობესებას დიდი ყურადღება მიექცევა:

"ძირითადი აქცენტები იქნება სასკოლო განათლების განვითარების მიმართულებით. ჩვენ ვფიქრობთ რომ ძალიან ბევრი შესაძლებლობაა თუნდაც მასწავლებლების განვითარების კუთხით. თუნდაც ტექნოლოგიების გამოყენების სწავლების პროცესში. ".

ალექსანდრე ჯეჯელავამ მედიასთან კომენტარი საერთაშორისო სემინარზე გააკეთა, რომელიც სასტუმრო ქორთიარდ მარიოტში მიმდინარეობს.