კირილო ტიმოშენკომ დღეს, 24 იანვარს, ტელეგრამზე გამოაქვეყნა თანამდებობიდან წასვლის განცხადება.

დეტალები: ტიმოშენკო გადაწყვეტილების მიზეზს არ ასახელებს და ნდობისა და კეთილი საქმეების კეთების შესაძლებლობისთვის მადლობას უხდის პრეზიდენტ ვოლოდიმირ ზელენსკის.

  • მან მადლობა გადაუხადა საოლქო სამხედრო ადმინისტრაციების ხელმძღვანელებს და ქალაქების მერებს, ასევე შეიარაღებულ ძალებსა და ყველა უკრაინელს.
  • "მადლობა ქალაქის მერებს. კამათში კონსტრუქციული ყოფნისთვის. მადლობა პრეზიდენტის აპარატის რეგიონული პოლიტიკის დირექტორატის მაგარ გუნდს", — წერს ის ტელეგრამზე.
  • ზელენსკიმ უკვე მოაწერა ხელი ტიმოშენკოს თანამდებობიდან გათავისუფლებას.

რატომ არის მნიშვნელოვანი: როგორც უკრაინული მედია სუსპილნე წერს, 2022 წლის ოქტომბერში, BIHUS info-მ გაავრცელა ინფორმაცია, რომ ტიმოშენკო მართავდა Chevrolet Tahoe SUV-ს, რომელიც General Motors-მა უკრაინას გადასცა ომის ზონიდან მოქალაქეების გამოსაყვანად.

  • უკრაინსკა პრავდა კი აღნიშნა, რომ თავად ტიმოშენკომ ეს ინფორმაცია არ უარყო, მაგრამ განმარტა, რომ ის მიჰყავდა დეოკუპირებულ ტერიტორიებზე და მანქანა არის სახელმწიფო ადმინისტრაციის ბალანსზე.
  • გარდა ამისა, მას აკრიტიკებდნენ რეგიონებში არაეფექტიანი პოლიტიკის გამოც.

ამასთან, უკრაინულ მედიაში რამდენიმე დღეა ვრცელდება ინფორმაცია, რომ მინისტრთა კაბინეტში ცვლილებები მზადდება.

  • Unian წერს, რომ თანამდებობიდან გათავისუფლების პირველი კანდიდატი საწვავის და ენერგეტიკის მინისტრი გერმან გალუშჩენკოა.
  • 22 იანვარს ცნობილი გახდა, რომ თემებისა და ტერიტორიების განვითარების მინისტრი თანამდებობიდან გაათავისუფლეს — წინა დღეს ის 400 000 აშშ დოლარის ოდენობის ქრთამის აღებისას დააკავეს.