ინფორმაციას საერთაშორისო მედიები ავრცელებენ.

რატომ არის მნიშვნელოვანი: როგორც გერმანული მედია წერს, კრისტინ ლამბრეხტის გადადგომა უკრაინაში მიმდინარე ომს უკავშირდება.

  • გერმანიის თავდაცვის მინისტრი მკაცრად გააკრიტიკეს ახალ წელს, ინსტრაგრამზე გამოქვეყნებული ვიდეოს გამო, სადაც ის საახალწლო ფოიერვერკების ფონზე რუსეთ-უკრაინის ომსა და სარაკეტო დაბომბვებზე საუბრობდა.
  • ლამბრეხტს დასცინოდნენ მისი განცხადების გამო, რომ გერმანია მხარს უჭერდა უკრაინას 5000 სამხედრო ჩაფხუტის გაგზავნით.

  • მას, ასევე, აკრიტიკებდნენ, რომ ვერ შეძლო გერმანიის ცუდად აღჭურვილი შეიარაღებული ძალების გაუმჯობესება, მიუხედავად იმისა, რომ ამ ამოცანისთვის 100 მილიარდი ევრო იყო გამოყოფილი.

დეტალები: ლამბრეხტმა ფედერალურ კანცლერს გადადგომის შესახებ განცხადებით დღეს მიმართა.

  • გადადგომის განცხადებაში მან თქვა, რომ მედიის ფოკუსირება მის პიროვნებაზე ხელს უშლიდა შეიარაღებული ძალებისა და გერმანიის უსაფრთხოების პოლიტიკის შესახებ ფაქტებზე დაფუძნებულ დებატებს.
  • ჯერჯერობით უცნობია, ვინ იქნება გერმანიის თავდაცვის ახალი მინისტრი.