სამაშველო ოპერაცია უკვე მესამე დღეა გრძელდება.

რატომ არის მნიშვნელოვანი: ბოლო მონაცემებით, რუსების მორიგ თავდასმას სამოქალაქო ინფრასტრუქტურაზე 35 მოქალაქის სიცოცხლე ემსხვერპლა, მათგან 2 ბავშვია.

  • მაშველებმა ნანგრევებიდან 39 ადამიანის გადარჩენა შეძლეს, 30-ზე მეტს კი ამ დრომდე ეძებენ.
  • ქალაქში 3-დღიანი გლოვა გამოცხადდა.

დეტალები: უკრაინის საგანგებო სიტუაციების სამსახურის ინფორმაციით, 75 პირი დაშავდა, მათ შორის 14 ბავშვია. მათგან 30 საავადმყოფოში გადაიყვანეს, 12 კი მძიმე პაციენტია.

  • კორპუსის დანგრევის პირველ ღამეს გადაარჩინეს გოგო, რომელიც დაბომბვის შემდეგ მე-6 და მე-7 სართულს შორის მოყვა.
  • მომდევნო დღეს კი ნანგრევებიდან ამოიყვანეს ქალი, რომელმაც მაშველებს ხმა მიაწვდინა.
  • "ის მძიმე ჰიპოთერმიით იმყოფება რეანიმაციაში. ექიმები მისი სიცოცხლისთვის იბრძვიან", — განაცხადა ვალენტინ რეზნიჩენკომ.

ვოლოდიმირ ზელენსკის განცხადებით, გარდაცვლილთა შორის 15 წლის მოზარდია. 2 ბავშვს კი მშობლები დაეღუპათ.

  • "ნანგრევებიდან ათობით ადამიანი გამოიყვანეს, მათ შორის ექვსი ბავშვი. ჩვენ ვიბრძვით თითოეული ადამიანისათვის! და სამაშველო ოპერაცია გაგრძელდება მანამ, სანამ სიცოცხლის გადარჩენის მცირედი შანსიც კი იქნება", — განაცხადა მან.