Netflix-მა You-ს მე-4 სეზონი ახალი ტრეილერით დააანონსა, რომელიც გვპირდება, რომ მოწყენა არ გველის. ტრეილერში უამრავ ახალ პერსონაჟს ვხედავთ, მათ შორის ერთ-ერთი კი იმდენად საშიში ჩანს, რომ თავად ჯოსაც თავზარს სცემს და აგრძნობინებს, რომ ის აღარაა ქალაქში ერთადერთი მკვლელი.

ფოტო: Netflix

ჯო ახალ სეზონში ლიტერატურის პროფესორის, ჯონათან მურის, როლს ირგებს და ხვდება, რომ ამ ამპლუაში თავს ძალიან კომფორტულად გრძნობს, მიუხედავად იმისა, რომ ზედმეტად მდიდარ და ეგოცენტრულ ხალხს ასწავლის. თავდაპირველად თითქოს ყველაფერი მშვიდად მიედინება, თუმცა როდესაც ვიღაც ლონდონის ელიტის წარმომადგენლების ერთიმეორის მიყოლებით დახოცვას იწყებს, ჯო ხვდება, რომ მის უახლოეს გარემოცვაში საშიში მკვლელი დადის.

შოუს გულშემატკივრებს ერთი სული აქვთ, გაარკვიონ, ვინ შეიძლება, იყოს იდუმალებით მოცული მკვლელი. Netflix-მა დაადასტურა, რომ მე-4 სეზონის პირველი ნაწილი 2023 წლის 9 თებერვალს გამოვა, ხოლო მეორე ნაწილი — 9 მარტს.

ქეროლაინ კეპნესის წიგნის მიხედვით გადაღებული სერიალი მაყურებელმა პირველად 2018 წელს იხილა და მას შემდეგ მოუთმენლად ელოდება ყოველ ახალ სეზონს.

ამავე თემაზე:

23 სერიალი, რომელსაც 2023 წელს ყველაზე მეტად ველოდებით

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…