ამის შესახებ On.ge-ის უწყებაში დღეს განუცხადეს. დამატებითი დეტალები უცნობია.

დეტალები: რამდენიმე დღის წინ სოციალურ ქსელებში, გუშინ კი სხვადასხვა მედიასაშუალებაში გავრცელდა დაუდასტურებელი ინფორმაცია იმის შესახებ, რომ ბელგიაში მცხოვრები ქართველი ტრანსგენდერი ქალი, ლიზა ქისტაური მოკლეს.

  • დაუდასტურებლად წერდნენ იმასაც, რომ ის რამდენიმე დღე გაუჩინარებული იყო და მისი ადგილსამყოფელი უცნობია.
  • თუმცა, ოჯახის წევრები და ახლობლები, ან ოფიციალური უწყებები არ ადასტურებდნენ.
  • "მე ვერ ვამბობ, რომ ჩემი შვილი მკვდარია, თქვენ როგორ შეგიძლიათ?", — თქვა ქისტაურის დედამ, იზა არღვლიანმა რადიო თავისუფლებასთან და მედიასაშუალებები გააკრიტიკა.
  • გარდა ამისა, გუშინ საგარეო საქმეთა სამინისტროში On.ge-ს განუცხადეს, რომ საელჩოში ოფიციალური შეტყობინება არ შესულა, მაგრამ ბელგიაში საქართველოს საკონსულო ადგილობრივ სამართალდამცველებთან კონტაქტზე იყო და სიტუაციას არკვევდა.
  • ახლა კი უწყებაში ამბობენ, რომ ამ ეტაპზე ბელგიის პოლიცია გარდაცვალების ფაქტს არ ადასტურებს.

ჟურნალისტური ეთიკის ქარტიამ მედიებს მოუწოდა, გადაუმოწმებელი ინფორმაციის გავრცელებისგან თავი შეიკავონ და საზოგადოებრივ ინტერესსა და ეთიკურ გაშუქებას შორის ბალანსი დაიცვას.

  • ქარტიის საბჭო აცხადებს, რომ მედიამ ოჯახის წევრებისა და ახლობლების ინტერესები უნდა გაითვალისწინოს.
  • "აუცილებელია, ახლობელი ადამიანის გარდაცვალების შემთხვევაში, მათ ამის შესახებ მედიიდან არ შეიტყონ", — ნათქვამია განცხადებაში.