სკოტების ოჯახისთვის 18 დეკემბერი მნიშვნელოვანი დღეა — კესიდისა და დილანს, რომლებიც ერთსა და იმავე დღეს არიან დაბადებულები, შვილიც თავიანთ დაბადების დღეზე შეეძინათ. იმ კლინიკის მონაცემების მიხედვით, რომელშიც ბავშვი დაიბადა, შანსი იმის, რომ შვილიც მშობლების დაბადების დღეზე გაჩნდეს 133 ათასში ერთია.

წყვილს ჩვილი გოგო ღამის პირველის ნახევარზე შეეძინა 18 დეკემბერს და ლენონი დაარქვა.

ფოტო: HUNTSVILLE HOSPITAL FOR WOMEN & CHILDREN

მიუხედავად იმისა, რომ ასეთი დამთხვევები ძალიან იშვიათია, სკოტების ოჯახი პირველი არ ყოფილია მსგავს სიტუაციაში. 2017 წელს სხვა წყვილსაც, ლუკ და ჰილარი გარდნერებს, რომლებსაც ერთსა და იმავე დღეს ჰქონდათ დაბადების დღე, შეეძინა შვილი თავიანთ დაბადების დღეზე. უფრო მეტიც, ეს დღე, რაღაც სასწაული დამთხვევის წყალობით, მაშინაც 18 დეკემბერი აღმოჩნდა.

ცნობისათვის, 18 დეკემბერს ჰოლივუდის უამრავი ვარსკვლავია დაბადებული, მათ შორის, ბრედ პიტი, ბილი აილიში, სია, კრისტინა აგილერა და სტივენ სპილბერგი. ვინ იცის, იქნებ არის ამ თარიღში რაღაც ჯადოსნური.