პუტინის საახალწლო გეგმები უკრაინა-რუსეთის ომის მიმდინარეობამ შეცვალა.

რატომ არის მნიშვნელოვანი: 2012 წლიდან ყოველ დეკემბერს რუსეთის პრეზიდენტი წლის შემაჯამებელ პრესკონფერენციას მართავდა.

  • პუტინის წლის შემაჯამებელი კონფერენცია დეკემბრის ბოლოს აღარ გაიმართება.
  • ომის შესწავლის ინსტიტუტმა მიმართვის გაუქმების ერთ-ერთ მიზეზად პოზიტიური დღის წესრიგის არარსებობა დაასახელა.

დეტალები: პუტინმა დღეს თავი იმართლა და განაცხადა, რომ ყოველწლიური მიმართვა 2017 წელსაც არ ყოფილა.

  • ასევე, განაცხადა რომ "მოვლენების დინამიკა ძალიან მაღალია და სიტუაცია ძალიან დინამიურად ვითარდება. შესაბამისად, დროის კონკრეტულ მომენტში რთული იყო შედეგებისა და უახლოესი გეგმების გაანგარიშება".
  • რუსეთის პრეზიდენტმა პირობა დადო, რომ ამას ახალი წლის შემდეგ გააკეთებს.
  • პუტინმა ასევე გაუუქმა მიმართვა რუსეთის ფედერალურ ასამბლეაში.