ნატოს გენერალური მდივნის შეფასებით, — "რუსები ახდნენ მეტი ძალების მობილიზებას და მზად არიან განიცადონ მსხვერპლიც, იმისთვის, რომ მიიღონ მეტი იარაღი და საბრძოლო მასალა".

რატომ არის მნიშვნელოვანი: უკრაინის მაღალჩინოსნებმა არაერთხელ აღნიშნეს, რომ რუსეთი ძალათა გადაჯგუფებას ცდილობს და უკრაინაზე ახალი იერიშის მისატანად ემზადება.

  • ბრძოლის ველზე წარუმატებლობის საპასუხოდ მოსკოვი თავს დაესხა უკრაინის სამოქალაქო ენერგეტიკულ ინფრასტრუქტურას.

  • მიუხედავად გაწეული სამხედრო დახმარებებისა, მკაცრი ზამთრის და დაზიანებული კრიტიკული ინფრასტრუქტურის პირობებში საომარი პირობები კიდევ უფრო რთულდება.

  • აშშ-ის ცნობით, უკრაინაში გაიგზავნება პატრიოტის მოწინავე სარაკეტო ბატარეები, რაც უკრაინის თავდაცვისუნარიანობას მნიშვნელოვნად გაზრდის.

დეტალები: სტოლტენბერგის განცხადებით, რუსეთის ძალები სწორად უნდა იქნეს შეფასებული, რადგან არ არსებობს იმის ნიშანი, რომ პუტინმა "დათმო უკრაინის კონტროლის საერთო მიზანი".

  • ამიტომ, პრინციპულად მნიშვნელოვანია უკრაინის მხარდამჭერებმა "გააგრძელონ იარაღის გაგზავნა მანამ, სანამ პრეზიდენტი ვლადიმერ პუტინი არ გააცნობიერებს, რომ "ბრძოლის ველზე ვერ გაიმარჯვებს", — აღნიშნა ნატოს გენერალურმა მდივანმა.
  • მისი განცხადებით, ნატო იარაღის წარმოებას აძლიერებს, რათა შეძლოს უკრაინის მხარდაჭერა გრძელვადიან პერსპექტივაში.
  • "სავარაუდოდ, ეს ომი დასრულდება მოლაპარაკებების მაგიდასთან, როგორც ეს ომების შემთხვევაში ზოგადად ხდება," — თქვა სტოლტენბერგმა და დასძინა, რომ ნებისმიერი მოლაპარაკება უნდა მოიაზრებდეს უკრაინას, როგორც სუვერენულ, დამოუკიდებელ ერს.