ამის შესახებ ინფორმაცია ევროკავშირის სამეზობლო და გაფართოების საკითხებში ევროკომისარმა, ოლივერ ვარჰეიმ გაავრცელა.

რატომ არის მნიშვნელოვანი: ვარჰეის ინფორმაციით, წყალქვეშა გადამცემი ხაზი საქართველოსა და მთელს სამხრეთ კავკასიას რუმინეთთან დააკავშირებს, რაც მწვანე ენერგიის ევროკავშირში ექსპორტს უზრუნველყოფს.

  • საინვესტიციო გეგმის მიზანი რეგიონების ეკონომიკური განვითარების ხელშეწყობა და მათი ევროკავშირთან დაკავშირებაა.

დეტალები: შავ ზღვაში წყალქვეშა კაბელის პროექტზე, ჯამში, 2.3 მილიარდი ევრო დაიხარჯება.

  • გადაწყვეტილება Global Gateway Board-ის პირველი შეხვედრაზე იქნა მიღებული.
  • როგორც მხარეები ამბობენ, პროექტი ხელს შეუწყობს ყველაზე აქტუალურ გლობალურ გამოწვევებთან გამკლავებას, კლიმატის ცვლილებებთან ბრძოლას, ჯანდაცვის სისტემების გაუმჯობესებას, გლობალური მიწოდების ჯაჭვების მდგრადობისა და უსაფრთხოების გაძლიერებას.