ამის შესახებ უკრაინის საგარეო უწყების სპიკერმა, ოლეგ ნიკოლენკომ დაწერა.

რატომ არის მნიშვნელოვანი: 30 ნოემბერს ესპანეთში, უკრაინის საელჩოში აფეთქება მოხდა, რის შემდეგაც გავრცელდა არაერთი ინფორმაცია სხვადასხვა დაწესებულებაში ფეთქებადი ამანათის დაგზავნის შესახებ.

  • ფეთქებადი და მუქარის შემცველი ამანათები ესპანეთის პრემიერს, აშშ-ის საელჩოს და სხვა უკრაინელ დიპლომატებსაც გაუგზავნეს;
  • უკრაინის საგარეო საქმეთა მინისტრი, დმიტრო კულება აცხადებს, რომ ეს ტერორის ახალი ფორმაა.

დეტალები: ოლეგ ნიკოლენკოს თქმით, ესპანეთში ტერაქტის შემდეგ, სისხლიანი ამანათები მიიღეს უნგრეთის, ნიდერლანდების, პოლონეთის, ხორვატიის, იტალიის საელჩოებმა, გენერალურმა საკონსულოებმა ნეაპოლში, კრაკოვსა და ბრნოში.

  • მისი განცხადებით, პაკეტებში, რომლებიც შეღებილი იყო სისხლისფრად და შესაბამისი სუნიც ჰქონდა, ცხოველების თვალები ეწყო;
  • ნიკოლენკო აღნიშნავს, რომ საგარეო უწყება ამ გზავნილის შინაარსის ამოცნობას ცდილობს.

ფოტო: ევროპეისკა პრავდა

გარდა ამისა, უკრაინის საგარეოს ინფორმაციით, უცნობებმა დააზიანეს ვატიკანში უკრაინის ელჩის ბინის შესასვლელი, ყაზახეთის საელჩოში კი ბომბის არსებობის შესახებ შევიდა შეტყობინება, რომელიც გადამოწმების შემდეგ ცრუ აღმოჩნდა.

  • საგარეო უწყების ცნობით, უკრაინის დიპლომატიური მისიები თანამშრომლობენ ადგილობრივ სამართალდამცველებთან ამ შემთხვევების გამოსაძიებლად და პასუხისმგებელი პირების გამოსავლენად.