The Guardian-ის მოხსენების მიხედვით, კოსმოსურმა მეთაურებმა ორშაბათს გაგვაფრთხილეს კოსმოსში შესაძლო ომის შესახებ, რომელსაც დამანგრეველი და დამღუპველი შედეგები მოჰყვება დედამიწაზე.

კომენტარი გააკეთეს მაღალჩინოსანმა სამხედრო ლიდერებმა, რომლებიც ესწრებოდნენ შეერთებული შტატებისა და კანადის ავსტრალიის სტრატეგიული პოლიტიკის ინსტიტუტის კონფერენციას კოსმოსის შესახებ.

გარდაუვალ საფრთხეებთან დაპირისპირება

როგორც ლიდერებმა აღნიშნეს, ამ დრომდე ჩინეთმა და რუსეთმა წარმოაჩინა, რომ მათ შეუძლიათ და, შესაძლოა, სურთ, დაიწყონ ასეთი ომი და ხაზი გაუსვეს მოკავშირეებთან, მათ შორის, ავსტრალიასთან, მუშაობის მნიშვნელობას ამ საფრთხეების დასაძლევად.

გენერალ-ლეიტენანტმა ნინა არმაგნომ, აშშ-ს კოსმოსური ძალების შტაბის დირექტორმა, თქვა, რომ რუსეთის მიერ გასულ წელს ამერიკული თანამგზავრის განადგურება იყო "განსაცვიფრებელი წარმოდგენა". მისი თქმით, ამერიკა ამას განიხილავს, როგორც მესიჯსა და შესაძლებლობის დემონსტრირებას.

თუკი თანამგზავრებს თავს დაესხმებიან, ამან შეიძლება, გამოიწვიოს დედამიწაზე GPS სისტემების, საბანკო სისტემების, ელექტროქსელების, პირველადი რეაგირების კომუნიკაციების, სამხედრო ოპერაციებისა და სხვათა დაზიანება.

"არ მინდა, დრამატული ვიყო", — თქვა არმაგნომ. "როგორია ომი კოსმოსში? ჩვენ, ალბათ, ვერ დავინახავთ მას შეუიარაღებელი თვალით, მაგრამ აუცილებლად ვიგრძნობთ მის შედეგებს დაწყების მომენტიდანვე."

საკომუნიკაციო ქსელების გათიშვა

სატელიტებზე თავდასხმამ შეიძლება გათიშოს საკომუნიკაციო ქსელები ორი გზით: პირდაპირი შეტევის ან განადგურებული თანამგზავრის მიერ წარმოქმნილი ნამსხვრევების მეშვეობით. არმაგნომ განმარტა, რომ აშშ ჯერ კიდევ ადევნებდა თვალყურს 600 ნამსხვრევს ჩინეთის 2007 წლის "დემონსტრაციიდან", როდესაც ჩინეთმა თავისი ერთ-ერთი თანამგზავრი გაანადგურა.

არ არის საჭირო კოსმოსური ხომალდების დაზიანება, როგორებიცაა: საერთაშორისო კოსმოსური სადგური და აშშ-ს მრავალი სხვა თანამგზავრი. პაწაწინა კოსმოსურ ნამსხვრევებსაც კი შეუძლია ამის მიღწევა.

"აუცილებელია, საზოგადოებებს ესმოდეს კოსმოსის მნიშვნელოვნება", — დასძინა მან.

არმაგნოს თქმით, აშშ-სა და მის მოკავშირეებს, მათ შორის, ავსტრალიას, სჭირდება თანამშრომლობა, რათა კოსმოსი უფრო მდგრადი გახდეს მომავალი თავდასხმების მიმართ. ამის მიღწევა შეიძლება უფრო მოხერხებული, პატარა თანამგზავრების შექმნით, რომლებსაც შეუძლია ნამსხვრევებისა და თავდასხმების თავიდან აცილება.