საქართველოს მთავრობამ სტრასბურგის სასამართლოს ასარჩევ მოსამართლედ საქართველოდან ლადო ჭანტურია, სოფო ჯაფარიძე და შოთა გეწაძე შეარჩია. სტრასბურგის ადამიანის უფლებათა ევროპული სასამართლოსთვის წარსადგენი პირების სია დღეს გახდა ცნობილი.

"ეს არის ის სამი პირველი კანდიდატი, რომელიც ხუთეულში სხვებთან შედარებით უკეთესი ქულები ქონდათ და შეჯერდა კოლეგიური ორგანოს, საქართველოს მთავრობა რომ სწორედ ეს სამპირიანი, გენდერულად დაბალანსებული სია იქნება მომდევნო დღეებში წარდგენილი ევროსაბჭოს წინაშე," - აღნიშნა იუსტიციის მინისტრმა, თეა წულუკიანმა.

სამი სასურველი პირის ასარჩევად მთავრობას სულ ხუთი მოსამართლე წარედგინა, რომელთა შეფასებებიც შემდეგნაირი იყო:

  1. ლადო ჭანტურია - 5;
  2. სოფიო ჯაფარიძე - 4,69;
  3. შოთა გეწაძე - 3,85;
  4. თამარ ალანია - 3,77;
  5. ირაკლი დონდოლაძე - 3,69.

გასაუბრებაზე მყოფი კანდიდატების შეფასებები 28 მაისს გახდა ცნობილი.