საქართველოს პატრიარქმა რუსეთის პატრიარქს დაბადების დღე მიულოცა. წერილის ტექსტი რუსეთის საპატრიარქოს ოფიციალურ გვერდზეა გამოქვეყნებული.

რატომ არის მნიშვნელოვანი: პატრიარქი კირილი პუტინთან დაახლოებული პირი და მისი პოლიტიკის გამტარებელია.

  • მათ შორის, მხარს უჭერს რუსეთის ომს უკრაინაში, რომლის შესახებაც ილია მეორემ არაერთი განცხადება გაავრცელა, თუმცა რუსეთი მხოლოდ ომის 21-ე დღეს ახსენა.

დეტალები: წერილის მიხედვით, ილია მეორემ კირილს ჯანმრთელობა, მშვიდობა და კეთილდღეობა უსურვა.

  • "ქრისტესმიერი სიყვარულით გილოცავთ დაბადების დღეს! ამ რთულ დროს გისურვებთ ჯანმრთელობასა და ყველა ღვთიურ სიკეთეს. ასევე ვისურვებ, რომ თქვენი და საერთო ძალისხმევით, რაც შეიძლება მალე აღდგეს სამართლიანობა და მშვიდობა რუსეთსა და უკრაინას შორის, ასევე ჩვენს სახელმწიფოებს შორის", — წერია მილოცვის ტექსტში.