თუმცა პარლამენტის პლენარულ სხდომაზე ომბუდსმენის თანამდებობაზე ასარჩევად პარლამენტისთვის წარდგენილ ცხრამეტივე კანდიდატს უყრიან კენჭს, მათ შორის, ჯანეზაშვილსაც.

რატომ არის მნიშვნელოვანი: ევროკავშირის მიერ გაცემულ 12 რეკომენდაციაში, ერთ-ერთი სახალხო დამცველის გამჭვირვალედ და დემოკრატიულად არჩევას უკავშირდება.

  • მოქმედ სახალხო დამცველს, ნინო ლომჯარიას უფლებამოსილების ვადა 2022 წლის 8 დეკემბერს ეწურება;
  • ახალი სახალხო დამცველის ასარჩევად პარლამენტს 90 ხმა სჭირდება, ცალკეულ პარტიას დამოუკიდებლად კი ამდენი ხმა არ აქვს.

დეტალები: ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე ომბუდსმენობის კანდიდატებს კენჭი უყარეს. კომიტეტმა 19 კანდიდატიდან მხარი 15-ს დაუჭირა.

  • მხარი არ დაუჭირეს ნიკოლოზ ნიკოლაძეს, ჯემალ ნათელაშვილს და გიორგი ცობეხიას, რადგან მათ კანდიდატურა მოხსნეს.
  • ხოლო ნაზი ჯანეზაშვილმა კომიტეტის მხარდაჭერა ვერ მიიღო, რადგან ის პარლამენტში გასაუბრებაზე არ მივიდა.

ჯანეზაშვილი 4 ნოემბერს პარლამენტში გასაუბრებაზე არ მივიდა, თუმცა კანდიდატობაზე უარი არ უთქვამს.

  • ჯანეზაშვილი ერთ-ერთია იმ სამ კანდიდატს შორის, რომელიც არასამთავრობო ორგანიზაციებმა სახალხო დამცველობის კანდიდატებად წარადგინეს.
  • მისი განცხადებით, პროცესმა არ დაუტოვა შთაბეჭდილება, რომ ხელისუფლება რეალურად ისახავს მიზნად შეარჩიონ კანდიდატი, რომელიც იქნება საზოგადოებისთვის მისაღები, დამოუკიდებელი, პრინციპული, კვალიფიციური.