დონალდ ტრამპმა ევროპელ ლიდერებს განუცხადა, რომ ინაუგურაციის შემდეგ უკრაინის მხარდაჭერას გააგრძელებს და NATO-ს მოკავშირეებს თავდაცვის ხარჯების მშპ-ის 5%-მდე გაზრდა მოსთხოვა, — ამის შესახებ ინფორმაციას Financial Times წერს.

გამოცემა წერს, რომ აშშ-ის არჩეული პრეზიდენტი დონალდ ტრამპი მიიჩნევს, რომ უკრაინა NATO-ს წევრი არ უნდა გახდეს, მაგრამ უკრაინისთვის იარაღის მიწოდება სურს, რათა ცეცხლის შეწყვეტა და კონფლიქტის დასრულება მალე მოხდეს.

ამას გარდა, ტრამპი NATO-ს წევრ სახელმწიფოებს თავდაცვის ხარჯების გაორმაგებას და მშპ-ის 5%-მდე გაზრდას სთხოვს.

NATO-ს 32 წევრიდან მხოლოდ 23 ხარჯავს მშპ-ს მინიმუმ 2%-ს სამხედრო საჭიროებებზე. ამ ხარჯების 5%-მდე გაზრდა მათ გაორმაგებას ნიშნავს. გამოცემა წერს, რომ უფრო სავარაუდო მშპ-ს სამ პროცენტამდე გაზრდაა. შეერთებული შტატები აპირებს ამ საკითხის განხილვას ჩრდილოატლანტიკური ალიანსის სამიტზე, 2025 წლის ივნისში ჰააგაში აპირებს.

თეთრი სახლის მონაცემებით, 2024 წელს აშშ-ის თავდაცვის ხარჯები მთლიანი შიდა პროდუქტის დაახლოებით 3,1% იქნება. ტრამპის პირველი საპრეზიდენტო ვადის ბოლო წელს (2020) პენტაგონის ხარჯებმა 3,4%-ს მიაღწია, წერს FT.