საჯარო და კერძო სექტორის თანამშრომლებისთვის HR-ები, იურისტები და ქოუჩები გაერთიანდნენ და ინდივიდუალურ კონსულტაციებს გაუწევენ იმ თანამშრომლებს, რომლებიც დასაქმებული არიან (ან იყვნენ) საჯარო და კერძო სექტორში, და საქართველოს ევროპული მომავლის მხარდაჭერის გამო წამოვიდნენ სამსახურიდან, რჩებიან პოზიციაზე, მაგრამ არიან დისკრიმინაციის ან წნეხის მსხვერპლი ან კიდევ სურთ სამსახურის შეცვლა.

"HR-ები, იურისტები და ქოუჩები გავერთიანდით, რათა გავუწიოთ

ინდივიდუალური კონსულტაციები იმ თანამშრომლებს, რომლებიც დასაქმებული

არიან (ან იყვნენ) საჯარო და კერძო სექტორში, და საქართველოს ევროპული მომავლის მხარდაჭერის გამო:

• წამოვიდნენ სამსახურიდან

• რჩებიან პოზიციაზე, მაგრამ არიან დისკრიმინაციის ან წნეხის მსხვერპლი

• სურთ სამსახურის შეცვლა

28 დეკემბერს 10:00-დან 15:00-მდე Holiday Inn-ში შევქმნით სპეციალურად მოწყობილ

სივრცეს, სადაც დაინტერესებულ პირებს ერთ მაგიდასთან პირისპირ შეეძლებათ ისაუბრონ ექსპერტებთან და მიიღონ ინდივიდუალური კონსულტაციები, დასვან კითხვები მათთვის საჭირო საკითხებზე. თემები, რომელზეც აქამდე ბევრი კითხვა დაისვა და შევაგროვეთ არის შემდეგი:

• როგორ გამოვხატო საკუთარი აზრი და პოზიცია შრომითი ხელშეკრულების

ფარგლებში

• როგორ მოვიქცე, როდესაც მენეჯერი გათავისუფლებით მემუქრება ან როდესაც

მენეჯერი მთხოვს გათავისუფლების განცხადების დაწერას პოლიტიკური

შეხედულების გამო

• როგორ მოვიქცე, თუ მინდა გაფიცვა

• როგორ გამოვხატო ჩემი პოზიცია გუნდში, სადაც აზრს არ გამოხატავენ და არ

საუბრობენ მიმდინარე მოვლენებზე

• როგორ მოვემზადო სამსახურის ცვლილებისთვის

• როგორ მოვიქცე როდესაც მიწევს მტრულ გარემოში მუშაობა (პოლიტიკური ნიშნით

შევიწროება)?

• როგორ გავმართოთ Linkeidin პროფილი და შევადგინოთ ეფექტური რეზიუმე

• როგორ დავსაქმდე საერთაშორისო ბაზარზე საქართველოდან

• როგორ მოვემზადო ონლაინ და ოფლაინ ინტერვიუსთვის

• როგორ გავაუმჯობესო ინგლისური ენის ცოდნა თანამედროვე საშუალებებით

• როგორ გავიუმჯობესო ემოციური გამძლეობა და სტრესის მართვის უნარები

ამ და სხვა მრავალ თემაზე ვისაუბრებთ პროფესიონალებთან ერთად. ღონისძიებაზე ასევე იქნებიან სამსახურში გაფიცული და სამუშაო ადგილებიდან წამოსული ადამიანების დასახმარებლად შექმნილი ფონდის წარმომადგენლები, რომლებიც დეტალურ ინფორმაციას მიაწვდიან ნებისმიერ მსურველს", — ნათქვამია გავრცელებულ განცხადებაში.

შეავსე ფორმა ღონისძიებაზე რეგისტრაციისთვის.

ღონისძიების ბმული