რუსთავის აზოტში მომხდარი შემთხვევის გამო, შრომის ინსპექციის სამსახურმა ჯარიმასთან ერთად სამუშაოებიც ნაწილობრივ შეაჩერა.

რატომ არის მნიშვნელოვანი: ხარაჩოს ჩამონგრევის შედეგად, ერთი ადამიანი დაიღუპა, ხოლო ორი დაშავდა. გამოძიება სისხლის სამართლის კოდექსის 240-ე მუხლით დაიწყო, რაც უსაფრთხოების ნორმების დარღვევას გულისხმობს.

  • ინსპექციის ცნობით, ობიექტზე კვლავ მიმდინარეობს ინსპექტირების პროცესი.

დეტალები: შრომის ინსპექციის ცნობით, 2021 წელს, ობიექტის მიმართ სამუშაო ადგილზე არსებული დარღვევების აღმოსაფხვრელად 32 მითითება გასცა, რომელიც რუსთავის აზოტმა გაასაჩივრა.

  • სამსახურის განმარტებით, ადგილზე არსებული დარღვევები წარმოადგენს კრიტიკულ შეუსაბამობას, რომელიც, მათი თქმით, ინსპექციის სამსახურმა 2022 წლის ივლისშიც აღმოაჩინა.