ალბათ ყველასათვის ცნობილია, რომ მარგო რობისა და კარა დელივინს ახლო მეგობრობა აკავშირებთ მას შემდეგ, რაც 2016 წლის ფილმზე Suicide Squad ერთად იმუშავეს. მსახიობები ხშირად ჩნდებიან ერთად სხვადასხვა წვეულებებსა თუ ერთმანეთის ინსტაგრამ გვერდებზე.

2022 წლის სექტემბერში, როდესაც კარა დელევინის ახალი ფოტოები გავრცელდა, საზოგადოება მისი ჯანმრთელობის მდგომარეობამ ძალიან შეაშფოთა. ასევე, ყველას უცნაურად ეჩვენებოდა კარას საქციელი სხვადასხვა საჯარო ღონისძიებაზე.

ფოტო: Splash / Backgrid

ფოტო: Splash/ Backgrid

ამავე პერიოდში, ინტერნეტში ვირუსულად გავრცელდა მარგო რობის ფოტოებიც, რომელიც, პაპარაცების თქმით, კარა დელევინის სახლს ტოვებდა და განაწყენებული გამოიყურებოდა. ფანები ფიქრობდნენ, რომ ფოტოებში ვარსკვლავი ტიროდა და აქტიურად განიხილავდნენ, თუ რა შეიძლება, მომხდარიყო მეგობრებს შორის.

ფოტო: Clint Brewer Photography / A.I.M

ფოტო: Clint Brewer Photography / A.I.M

ფოტოებთან დაკავშირებით მარგო რობის აქამდე კომენტარი არ გაუკეთებია, თუმცა ახლახან დუმილი დაარღვია და აღნიშნა, რომ ამ არასწორმა ინფორმაციამ მსახიობის დედამდეც კი მიაღწია და მასაც აინტერესებდა, რამე ხომ არ შეემთხვათ მარგოს ან კარას. რობის განმარტებით, ის არც კარას სახლის წინ ყოფილა იმ მომენტში და არც ტიროდა და ორივე კარგად გრძნობს თავს.

"თვალში მქონდა რაღაც. მინდოდა, სახის ნიღაბი და ყავა ხელიდან არ გამვარდნოდა, ისე მომეცილებინა თმა ჩემი სახიდან."

ვინ იფიქრებდა, რომ ასეთი უბრალო ახსნა ექნებოდა ფანების ორთვიან შფოთვასა და მსჯელობას.