ინდონეზიაში დიდი ოცეულის სამიტი დაიწყო.

რატომ არის მნიშვნელოვანი: დიდი ოცეულის სამიტის ფარგლებში განიხილება რუსეთის უკრაინაში შეჭრა, გამოწვეული გლობალური ეკონომიკური შედეგები, კლიმატის კრიზისი, ჩრდილოეთ კორეის ატომურ პროგრამა და ჩინეთის მზარდ გლობალურ განვითარება.

  • ეს არის მსოფლიო ლიდერების ყველაზე მასშტაბური შეკრება კორონა ვირუსის პანდემიის დაწყების შემდეგ.

დეტალები: დიდი ოცეულის მე-17 შეხვედრა ბალიში, ინდონეზიაში მიმდინარეობს.

  • სამიტი 15-16 ნოემბერს გაგრძელდება.
  • შეხვედრა წამყვანი ეკონომიკის და სწრაფად განვითარებადი ქვეყნების გაერთიანებას წარმოადგენს.
  • 19 ქვეყანა და ევროკავშირი, დიდი ოცეული ჯგუფი მსოფლიო მოსახლეობის ორ მესამედს წარმოადგენს, მსოფლიო ეკონომიკური პროდუქციის 85%-ს და მსოფლიო ვაჭრობის 75%-ს.
  • დიდი ოცეულის შემადგენლობაში არიან: არგენტინა, ავსტრალია, ბრაზილია, კანადა, ჩინეთი, საფრანგეთი, გერმანია, ინდია, ინდონეზია, იტალია, სამხრეთ კორეა, იაპონია, მექსიკა, რუსეთი, საუდის არაბეთი, სამხრეთ აფრიკა, თურქეთი, გაერთიანებული სამეფო, აშშ და ევროკავშირი.

ზელენსკის მიმართვა: უკრაინის პრეზიდენტის განცხადებით, მზადაა რუსეთთან შეთანხმების მისაღწევად, მხოლოდ უკრაინის სუვერენიტეტის დაცვის შემთხვევაში.

  • "დადგა დრო, რომ უკრაინაში ომი დასრულდეს", — განუცხადა ვოლოდიმირ ზელენსკიმ G20-ის ლიდერებს ვიდეომიმართვაში.

  • ზელენსკიმ რუსეთი დაადანაშაულა ზაპოროჟიას ატომურ ელექტროსადგურზე რადიოაქტიური ბომბის აგების მცდელობაში, რომელიც შეიძლება ნებისმიერ დროს აფეთქდეს.

  • უკრაინის პრეზიდენტმა მადლობა გადაუხდა დიდ 19-ს, რუსეთის გამოკლებით, იმისთვის, რომ "ატომური შანტაჟისთვის არანაირი საბაბი არსებობს და არ შეიძლება იყოს".
  • უკრაინის პრეზიდენტმა ასევე დაადანაშაულა რუსეთი მცდელობაში, "სიცივე იარაღად აქციოს". საპასუხოდ ზელენსკიმ მოითხოვა რუსეთისთვის საექსპორტო ფასების იძულებითი შეზღუდვა.

  • უკრაინის ლიდერმა ასევე მოუწოდა გაეროს და თურქეთის შუამავლობით მარცვლეულის შეთანხმების გაფართოებას და განუსაზღვრელი ვადით გახანგრძლივებას, რომელსაც ვადა შაბათს ეწურება.

დიდი ოცეულის სამიტი და რუსეთი: უკრაინაში სრულმასშტაბიანი შეჭრის ფონზე, დიდი ოცეულის შეხვედრას ვლადიმერ პუტინის ნაცვლად რუსეთის საგარეო საქმეთა მინისტრი, სერგეი ლავროვი ესწრება.

  • რიში სუნაკმა და ვოლოდიმერ ზელენსკიმ, ოფიციალურად განაცხადეს უარი დიდი ოცეულის სამიტზე დასწრებაზე, თუ იქ პუტინი იქნებოდა.
  • კრემლის პრესსამსახურის განცხადებით, "პუტინის ქვეყნიდან გასვლა რეკომენდებული არ იყო".
  • რუსეთის პრეზიდენტი არც ონლაინ ფორმატში მიიღებს სამიტზე მონაწილეობას.
  • გერმანიის კანცლერმა განაცხადა, რომ პუტინი განზრახ არიდებს თავს სამიტზე გამოჩენას, მოსალოდნელი კრიტიკის და აღშფოთების გამო, რასაც ოკუპანტების უკრაინაში ქმედებები იწვევს.