ამის შესახებ ლიბერალთა და დემოკრატთა ალიანსის (ALDE-ს) დღეს გავრცელებულ განცხადებაშია საუბარი.

რატომ არის მნიშვნელოვანი: ხელისუფლებისადმი კრიტიკულად განწყობილი მთავარი არხის დამფუძნებელი, ნიკა გვარამია 2 ნოემბერს სააპელაციო სასამართლომ 3 წლითა და 6 თვით პატიმრობაში დატოვა.

  • გვარამია დამნაშავედ ცნეს უფლებამოსილების ბოროტად გამოყენებაში — ე.წ. რეკლამის გაყიდვისა და ავტომანქანის საქმეებზე.
  • სახალხო დამცველმა, არასამთავრობო ორგანიზაციებმა და საერთაშორისო პარტნიორებმა არაერთხელ აღნიშნეს, რომ გვარამიას საქმეზე, განაჩენის კანონიერებასა და დასაბუთებულობასთან დაკავშირებით, არაერთი ხარვეზი არსებობს.

დეტალები: ALDE მოუწოდებს საქართველოს მთავრობას, დაუყოვნებლივ გაათავისუფლოს მთავარი არხის დამფუძნებელი და როგორც განცხადებაშია ნათქვამი, შეწყდეს მართლმსაჯულების პოლიტიზირება.

  • "საქართველოს პირველი ნაბიჯი ევროპულ გზაზე იქნება ოპოზიციონერი ჟურნალისტის, ნიკა გვარამიას გათავისუფლება, რომელიც გასამართლებულია ყალბი ბრალდებებით, რაც დაგმეს ადამიანის უფლებათა დამოუკიდებელმა ორგანოებმა როგორც საქართველოს შიგნით, ასევე, მის ფარგლებს გარეთ" — აცხადებენ ლიბერალ პარტიათა გაერთიანებაში.
  • "პრესის თავისუფლება არ არის უბრალოდ აუცილებელი დემოკრატიისთვის, ეს არის დემოკრატია", — ნათქვამია ვიდეომიმართვაში, რომელიც ALDE-მ გაავრცელა.