თუ თიბისის ციფრული ბანკის მომხმარებელი ხარ, უკვე შენიშნავდი ბრჭყვიალა საჩუქრების ყუთს აპლიკაციაში. ეს მაგიური ღილაკი შენი გართობის, ცოდნის შემოწმებისა და რაც მთავარია, დასაჩუქრებისთვის შეიქმნა. გაინტერესებს, როგორ შეგიძლია მიიღო ფულადი პრიზები? ამ სტატიაში ყველაფერს დეტალურად აგიხსნით.

1. წესები მარტივია

გახსოვს, რა ერქვა ოთარაანთ ქვრივის ქმარს ან გადმოცემის თანახმად, რა დაეცა თავში ნიუტონს? იქნებ, ისიც იცოდე, რამდენი ვარსკვლავია საქართველოს დროშაზე? — მართალი ხარ! არცერთი. აი, სწორედ ასეთი მარტივი და სახალისო კითხვები დაგხვდება თიბისის ციფრულ ბანკში და მათი სწორად გამოცნობით ქულებს დააგროვებ , რომელსაც საჩუქრებში გადაცვლი.

2022 წლის 1 ნოემბრიდან 2023 წლის იანვრის ჩათვლით, ციფრული ბანკის მთავარ გვერდზე, საჩუქრების ღილაკზე თითის დაჭერით, მარტივ ინტელექტუალურ კითხვებს იპოვი და თუ სწორად უპასუხებ, ან ეცდები მაინც, ქულებს მოიპოვებ.

სწორი პასუხი 50 ქულას უდრის, ხოლო არასწორი კი 10 ქულას. ახალი კითხვები კი კვირაში რამდენიმეჯერ იდება

2. ციფრულ ბანკში ყოველდღე შეიძლება დასაჩუქრდე

მოპოვებული ქულების გადაცვლა ნებისმიერ დროს შეგიძლია ფულად პრიზში. რომელიც 5 სამუშაო დღეში ჩაგერიცხება. თუ რამდენი ქულა რა თანხას უდრის, ამას საჩუქრების გვერდზე ნახავ.

ფულადი პრიზების გარდა, ქულების გადაცვლა ფინალური თამაშის მინიშნებებშიც შეგიძლია. როგორც თიბისიში ამბობენ, თამაში თანდათან გართულდება და ბოლო კითხვებისა და თავსატეხებისთვის, შესაძლოა, დახმარებაც დაგჭირდეს.

3. სისწრაფე მნიშვნელოვანია

ფოტო: თიბისი

გარდა იმისა, რომ სწორად უნდა გასცე კითხვებს პასუხები, სისწრაფესაც დიდი ყურადღება ექცევა. შენ შეგიძლია ტოპ 20 მომხმარებელში მოხვდე, რომლებიც ყველაზე სწრაფად გაცემული პასუხების მიხედვით ვლინდებიან და დამატებით საჩუქრებსაც იღებენ.

ამასთან, სწორად ან თუნდაც არასწორად გაცემულ პასუხს ბონუს კითხვა მოჰყვება, რომელიც ქულების გაორმაგების საშუალებას გაძლევს.

გახსოვდეს: დღის კითხვა აქტიურია 24 საათის განმავლობაში. თუ გამოტოვებ, იგი ძველი კითხვების ველში გადავა და ნებისმიერ დროს ღია იქნება საპასუხოდ, მაგრამ სწორი პასუხის შემთხვევაში, 50-ის ნაცვლად, სიმბოლურად, 5 ქულას მიიღებ და ბონუს შეკითხვაზეც არ გექნება წვდომა.

4. ფინალურ ეტაპზე მასშტაბური პრიზები გელის

ფოტო: თიბისი

ფინალური ეტაპის დაწყების შესახებ იანვარში გაიგებ. მასში მონაწილეობის უფლება კი ნებისმიერ ადამიანს ექნება, მიუხედავად იმისა, ჩართული იყო თუ არა ის საწყის ეტაპზე.

ფინალურ ეტაპზე სამი გამარჯვებული გამოვლინდება, რომლებიც შემდეგ პრიზებს მიიღებენ:

I ადგილი - 50 000 ლარი

II ადგილი - 20 000 ლარი

III ადგილი - 10 000 ლარი

5. თამაში შეუძლია ყველას, ვისაც ციფრული ბანკი აქვს

თამაშში ჩართვა შეუძლია ყველას, ვისაც აქვს თიბისის ციფრული ბანკი და არის 18 ან მეტი წლის.

გაითვალისწინე, რომ თუ შენს ციფრულ ბანკში ჯერ კიდევ არ ჩანს საჩუქრის ღილაკი, აპლიკაცია უნდა განაახლო.

თიბისის ციფრული ბანკის გადმოსაწერად ეწვიე ბმულს:
iOS
Android