ბიძინა ივანიშვილი განმარტავს, რომ ადამიანის უფლებების კუთხით საქართველო ევროპულ ქვეყნებს შეიძლება შევადაროთ. ჟურნალისტის, სალომე ასათიანის შეკითხვას, რაზე დაყრდნობით აკეთებს ის ამ დასკვნას მაშინ, როდესაც საერთაშორისო კვლევები სხვანაირად აღწერენ საქართველოს რეალობას, ივანიშვილმა უპასუხა:

"საერთაშორისო რეიტინგები რაც არის, ყველა განხილული მაქვს და მოტანილი მაქვს. ყველგან აბსოლუტურად არის უაღრესად დიდი წინსვლა. ადამიანის უფლებები, დემოკრატიის ხარისხი, მთავრობის ეფექტიანობა, მედიის თავისუფლება".

ჟურნალისტის შეკითხვას, რამდენად სწორად, იურიდიულად, სამართლებრივად და პოლიტიკურად შეფასდა წინა ხელისუფლების მემკვიდრეობა და მოხდა შესაბამისი სისტემური სტრუქტურული გარდაქმნა, და რა ბედი ეწია 26 ათას ფარულ ჩანაწერს, ივანიშვილმა უპასუხა:

"ეგ კითხვა შეგიძლიათ პროკურატურას დაუსვათ და მიიღებთ პასუხებს, რამდენი გამოძიება მიმდინარეობს. ინფორმაციის ამოკრეფვა შეგიძლიათ. რომ მცოდნოდა, რომ პროკურატურაზე უნდა მესაუბრა, მე მოვითხოვდი ამ მასალებს, რაც არის სივრცეში, მათ შორის პროკურატურის ვებ გვერდიდან და მოგიტანდით. საუბედუროდ არ გამაფრთხილეთ".