საქართველოს პრეზიდენტი, გიორგი მარგველაშვილი, ნატოს საპარლამენტო ასამბლეის საგაზაფხულო სესიაზე სიტყვით წარსდგა:

"ქართული საზოგადოება პოლიტიკოსებს ნათლად უკვეთავს ევროატლანტიკურ აჩევანს, მეტ დემოკრატიას, მეტ მედიის თავისუფლებას, უფრო ხარისხიან სასამართლოს და ყოველივე ეს უმნიშვნელოვანესია, რომ გატარდეს ყოველდღიურ ცხოვრებაში".

პრეზიდენტის განცხადებით, სასიხარულო ნატოს ფორუმი თბილისში ჩატარება. მან აღნიშნა, რომ ალიანსის ამ ჟესტს დღეს ხედავენ, როგორც საქართველოს მოკავშირეები, ასევე საქართველოს არამეგობარი ქვეყნები.

"ჩვენ ვახორციელებთ უაღრესად სტაბილურ და რაციონალურ პოლიტიკას იმისთვის, რომ არ გავაღრმავოთ კრიზისი და რეგიონისთვის ვიყოთ ერთ-ერთი სტაბილურობის შემომტანი და გარანტი.

ჩვენ მოთმინებით ველით იმ დღეს, როდესაც ალიანსი გადაწყვეტს გახდეს უფრო ძლიერი საქართველოს გაწევრიანებით, ეს დღე მალე იქნება, ამ დღემდე მივალთ მშვიდობით და სიმტკიცით და ამ დღის მერე,როგორც საქართველო, ასევე ალიანსი იქნება უფრო ძლიერი, უფრო მდგრადი, უფრო მტკიცე თავის რიგებში,” - აღნიშნა საქართველოს პრეზიდენტმა სიტყვით გამოსვლისას.

სესიაზე სიტყვით გამოვიდნენ ნატოს გენ. მდივნის მოადგილე და პრემიერმინისტრი გიორგი კვირიკაშვილი.