გიორგი კვირიკაშვილმა, ნატოს საპარლამენტო ასამბლეის საგაზაფხულო სესიის პლენარულ სხდომაზე, საქართველოში სასჯელაღსრულების სფეროში გატარებულ რეფორმებზე ისაუბრა:

„გაუმჯობესდა ციხეებში საცხოვრებელი პირობები და უსაფრთხოების სტანდარტები. ასევე, წარმატებით გადაიჭრა სასჯელაღსრულების დაწესებულებების გადატვირთულობის პრობლემა. პატიმართა რაოდენობა შემცირდა 60%-ით. პატიმრობის ნაცვლად, აქტიურად გამოიყენება ისეთი ალტერნატიული მეთოდები, როგორიცაა საზოგადოებისთვის სასარგებლო შრომა“.

პრემიერის თქმით, სასჯელაღსრულების სისტემაში ძირეული სამართლებრივი და სტრუქტურული რეფორმები გატარდა, რის შედეგადაც მნიშვნელოვნად გაუმჯობესდა წინასწარ პატიმრობაში მყოფთა და პატიმართათვის ჯანდაცვის ხელმისაწვდომობის ხარისხი.

ნატოს საპარლამენტო ასამბლეის საგაზაფხულო სესიის პლენარულ სხდომა საქართველოში პირველად იმართება.