თაღლითობის ბრალდებით ერთი პირი დააკავეს. შინაგან საქმეთა სამინისტრო დაკავებულს ლიბერთი ბანკისთვის 25 ათასი ლარის ოდენობის ქონებრივი ზიანის მიყენებას ედავება.

გამოძიების მტკიცებით, ბრალდებულმა ექსპლუატაციისთვის უვარგისი, დაშლილი MERCEDES BENZ S550-ის მოდელის ავტომანქანის საიდენტიფიკაციო კოდი სხვა, ექსპლუატაციისთვის ვარგის ავტომანქანაზე მიამაგრა და მისი გამოყენებით ლიბერთი ბანკის ერთ-ერთი ავტო ლომბარდიდან 25 ათასი ლარის ოდენობით სესხი მიიღო.

გამოძიება საქართველოს სსკ-ის 180-ე მუხლის მე-3 ნაწილის „ბ“ ქვეპუნქტით მიმდინარეობს, რაც დიდი ოდენობით თაღლითობას გულისხმობს.