ჰარვარდის ერთ-ერთი ყველაზე წარმატებული სტუდენტი და ფეისბუკის დამაარსებელი მარკ ცუკერბერგი დღეს, 25 მაისს, თავის სასწავლებელში მივიდა და დიპლომი მიიღო.

ცუკერბერგი ჰარვარდში მისი დატოვებიდან პირველად, სამშაბათს, 23 მაისს, დაბრუნდა და იმ ოთახსაც ეწვია, სადაც 13 წლის წინ, სტუდენტობისას, თავისი ჯგუფელებისთვის ახალი ონლაინ სივრცის შექმნაზე მუშაობდა. მან ოთახი H33-დან Live-იც ჩართო. მაშინ ფეისბუკს thefacebook.com ერქვა.

"მე ზუსტად აქ ვიჯექი, ჩემი პატარა ლეპტოპით. აი აქ ვწერდი ფეისბუკის პროგრამას, რისთვისაც სულ 2 კვირა დამჭირდა" - ამბობს ის ვიდეოში.

ფეისბუკი 2004 წელს გაეშვა და ახლა უკვე მსოფლიოს უდიდესი ონლაინ პლატფორმაა. მას ყოველთვიურად 1,9 მილიარდი მომხმარებელი ჰყავს.

თავისი საკუთარი სოციალური ქსელი შექმნის შემდეგ, ცუკერბერგმა უნივერსიტეტი 12 წლის წინ, 2005 წლის ნოემბერში, დატოვა.

2007 წელს ჰარვარდს ბილ გეითსიც ეწვია და სიტყვით გამოსვლისას მამას მიმართა:

"მამა, როგორც გეუბნებოდი, დავბრუნდი დიპლომის მისაღებად. დღეიდან ჩემს რეზიუმეში უნივერსიტეტის ხარისხიც იქნება მითითებული".

სწორედ ასე იხუმრა ცუკერბერგმაც და ფეისბუკზე მშობლებთან გადაღებული ფოტო გამოაქვეყნა:

"დედა, როგორც გეუბნებოდი, დავბრუნდი დიპლომის მისაღებად".