თბილისში, აღმაშენებლის ხეივნის 129 ნომერში, პორშე ცენტრი თბილისის ახალი კონცეპტუალური შოურუმი გაიხსნა. შოურუმში, პორშე ცენტრი თბილისისა და ალდაგის პარტნიორობის ფარგლებში, მომხმარებლებს ექნებათ წვდომა ალდაგის პრემიუმ ბრენდის პრიმოს სერვისებზე.

პრიმო — ეს არის საქართველოში პირველი პერსონალური სადაზღვევო მომსახურება, რომლის ფარგლებში დაზღვეული ავტომობილის მფლობელს ჰყავს პირადი მენეჯერი ალდაგში და სარგებლობს ექსკლუზიური პირობებით დაზღვევაზე. მათ შორის, ავტორიზებულ სერვისცენტრებში მომსახურება 5 წლის განმავლობაში, მანქანის ჩანაცვლების სერვისი, კონსიერჟის მომსახურება და სხვა.

"პრიმო სადაზღვევო ბიზნესში პერსონალურ ურთიერთობაზე დაფუძნებული პირველი გამოცდილებაა. გვსურს, ჩვენმა მომხმარებელმა მაქსიმალური კომფორტი მიიღოს ავტოდაზღვევით, რისთვისაც მათ პრიმოს სერვისებს ვთავაზობთ", — აცხადებს ალდაგის საცალო გაყიდვების მიმართულების ხელმძღვანელი, ნინო წეროძე.

პორშე ცენტრი თბილისის ახალი შოურუმი აერთიანებს როგორც საექსპოზიციო, ისე მომსახურებისათვის განკუთვნილ სივრცეებს. შოურუმში, გერმანული ბრენდის ავტომობილების სამოდელო რიგთან ერთად, აქსესუარების ფართო სპექტრი იქნება წარმოდგენილი და მომხმარებელს შესაძლებლობა ექნება, დაათვალიეროს უახლესი და ექსკლუზიური მოდელები. აქვე შეძლებს მომხმარებელი დააზღვიოს ავტომობილი ალდაგში და მიიღოს საუკეთესო პირობები პრიმოსგან.