აშშ-ს ელჩი საქართველოში იან კელი, პარტია თავისუფალი დემოკრატების ერთ-ერთ ლიდერზე თავდასხმას ეხმაურება. მისი თქმით, საქართველოს მთავრობა ამ დანაშაულის გამოძიებას სერიოზულად მოეკიდება.

"გამოძიების მიმდინარეობაზე ვერაფერს ვიტყვი, გარდა იმისა, რომ ჩვენ შოკირებული ვიყავით ამ თავდასხმის გამო. ალექსი პეტრიაშვილს ვუსურვებთ გამოჯანმრთელებას. ვიცი, რომ მთავრობა ასეთ ცნობილ პოლიტიკოსებზე განხორციელებულ თავდასხმას სერიოზულად ეკიდება", - განაცხადა იან კელიმ.

ალექსი პეტრიაშვილი 26 თებერვალს საბურთალოს სასაფლაოზე შეიარაღებულმა უცნობმა პირებმა დაჭრეს. ამჟამად, დაშავებულის მდგომარეობა სტაბილურია. საქმეზე გამოძიება სისხლის სამართლის კოდექსის 177-ე მუხლით მიმდინარეობს, რაც ჯანმრთელობის განზრახ დაზიანებას გულისხმობს.