სანქციები ასობით ფიზიკურ პირსა და კომპანიას დაუწესდა.

რატომ არის მნიშვნელოვანი: დღეს ვლადიმერ პუტინმა უკრაინის ოკუპირებული რეგიონების ანექსია გააფორმა.

  • პუტინმა იკადრა და ამ ცერემონიიდანაც მოუწოდა უკრაინას დაუყოვნებლივ შეწყვიტოს ცეცხლი და დაბრუნდეს მოლაპარაკების მაგიდასთან;
  • თუმცა მისი თქმით, დონეცკის, ლუგანსკის, ხერსონის და ზაპოროჟიეს ხალხის არჩევანი უკვე გაკეთებულია და "რუსეთი მას არ უღალატებს".

დეტალები: აშშ-ის ეს ნაბიჯი რუსეთის მიერ უკრაინის ოკუპირებული ტერიტორიების ანექსიის გამოცხადებას მოჰყვა.

  • "აშშ ცალსახად უარყოფს რუსეთის თაღლითურ მცდელობას, შეცვალოს უკრაინის საერთაშორისოდ აღიარებული საზღვრები, მათ შორის ყალბი ე.წ რეფერენდუმების ჩატარებით", — აცხადებს აშშ-ის სახელმწიფო მდივანი, ენტონი ბლინკენი.

გამოხმაურებები: უკრაინის ოკუპირებული ტერიტორიების ანექსირებულად გამოცხადება უკვე დაგმო ევროპულმა საბჭომ.

  • ასევე, ევროკომისიის პრეზიდენტმა, ურსულა ფონ დერ ლაიენმა.
  • მოლდოვის პრეზიდენტმა, მაია სანდუმ განაცხადა, რომ დონეცკი, ლუგანსკი, ხერსონი, ზაპოროჟია და ყირიმი უკრაინაა.
  • საქართველოს პრეზიდენტმა, სალომე ზურაბიშვილმა კი აღნიშნა, რომ ყალბი რეფერენდუმის გაფორმებას, იმისათვის, რომ გაამყარო საერთაშორისო სამართლის აშკარა დარღვევა და ძალისმიერ ანექსია, არ აქვს არანაირი ლეგიტიმაცია და მომავალი.