დღეს კანის კინოფესტივალზე, ლუმიერების დარბაზში, სოფია კოპოლას ახალი ფილმის, The Beguiled, პრემიერა გაიმართა.

პრემიერის შემდეგ ფესტივალების სასახლეში რეჟისორთან ერთად მსახიობებმა პრესკონფერენცია გამართეს. მათ შორის იყო ჰოლივუდის ვარსკვლავი ნიკოლ კიდმანი, რომელმაც ფილმსა და მის პერსონაჟზე On.ge-სთან კომენტარი გააკეთა:

"სოფიასთან მუშაობა არაჩვეულებრივი გამოცდილებაა, გრძნობ, რომ თავის საქმეში ბოლომდეა ჩართული და უფრო დიდ სტიმულს გაძლევს. ძალიან მომწონს ჩემი პერსონაჟი, მარტა მკაცრი, მაგრამ სამართლიანი და საინტერესო ადამიანია, რომელსაც, რა თქმა უნდა, სისუსტეებიც აქვს. სოფიამ ვფიქრობ ძალიან კარგი ფილმი გადაიღო, გამიხარდება თუ მას ბევრი ადამიანი ნახავს, განსაკუთრებით ქალები", უთხრა კიდმანმა On.ge-ს.

სოფია კოპოლას ფილმია კანის ფესტივალის მთავარ საკონკურსო პროგრამაში იღებს მონაწილეობას.