გენერალური შტაბის ცნობით, უკრაინის შეიარაღებულმა ძალებმა დონეცკის ოლქის სოფელ იაცკოვკაზე კონტროლი დაამყარეს და ბახმუტის მიმართულებით მანამდე დაკარგული პოზიციები დაიბრუნეს.

რატომ არის მნიშვნელოვანი: 29 აგვისტოს სამხრეთის მიმართულებით უკრაინა შეტევაზე გადავიდა და მას შემდეგ მნიშვნელოვან წარმატებებს აღწევს.

  • გენშტაბის ინფორმაციით, ბახმუტის მიმართულებით ვითარება რჩება მძიმე, მაგრამ კონტროლირებადი.

ბოლო ცნობები: ოპერატიული დირექტორატის უფროსის მოადგილემ, ალექსეი გრომოვმა 23 სექტემბერს გამართულ ბრიფინგზე თქვა, რომ მტერი შეტევითი ოპერაციების ჩატარებას უკრაინული შენაერთების პოზიციებიდან განდევნის მიზნით აგრძელებს.

  • თუმცა მისივე განცხადებით, მტრის ინტენსიური ცეცხლის მიუხედავად, უკრაინის შეიარაღებული ძალები ხაზს იცავენ.
  • სამხრეთის ოპერატიული სარდლობის ცენტრის პრესსპიკერი ამბობს, რომ ამ მიმართულებით დამპყრობლები თანდათან უკან იხევენ.
  • საჰაერო ძალების სარდლობა აცხადებს, რომ 22 სექტემბერს უკრაინის შეიარაღებულმა ძალებმა ოკუპანტების შვიდი უპილოტო საფრენი აპარატი გაანადგურეს.

უკრაინა ისევ აღნიშნავს, რომ ისინი თავდაცვით ომს აწარმოებენ და რუსეთის ტერიტორიაზე თავდასხმას არ აპირებენ.

  • თავდაცვის მინისტრის მოადგილე ამბობს, რომ ამოცანა მათი ტერიტორიების გათავისუფლებაა, არ არიან აგრესორები და დამპყრობლები.

ბრიტანული დაზვერვის ინფორმაციით, სამხრეთით, დონეცკის ოლქში ბრძოლა მიმდინარეობს, უკრაინული ძალები ქალაქ ლიმანში, რომელიც რუსეთის არმიამ მაისში დაიკავა.

  • მათივე ცნობით, სიტუაცია ბრძოლის ველზე კვლავ რთულია, მაგრამ უკრაინა ზეწოლას ახდენს იმ მიწებზე, რომელიც რუსეთს საომარი მიზნებისთვის სჭირდება.