BBC-ის ცნობით, პოლიციამ მანჩესტერის სამხრეთით, ჩორლტონში, 23 წლის კაცი დააკავა, თავდასხმასთან კავშირის ბრალდებით. მათივე ინფორმაციით, თვითმკვლელი ტერორისტი მარტო იყო, როდესაც ხელნაკეთი ნაღმი აამოქმედა ამერიკელი მომღერლის, არიანა გრანდეს კონცერტის დასასრულს.

ინგლისის ქალაქ მანჩესტერის არენაზე მომხდარ აფეთქებას 22 ადამიანი ემსხვერპლა, 60-მდე კი დაშავებულია.

კონცერტზე დამსწრეები, მათ შორის უმრავლესობა გრანდეს ახალგაზრდა ფანები, მანჩესტერ არენას ტოვებდნენ, როდესაც აფეთქების ხმამ მოიცვა არეალი. ინციდენტი გრანდეს მიერ სცენის დატოვებიდან რამდენიმე წუთში მოხდა.