ზელენსკი: ჩვენ გავცვალეთ რუსეთის ერთი ფანატიკოსი 200 მებრძოლში

22 Sep. 2022, 12:58

ჩვენ აუცილებლად გავაკეთებთ ყველაფერს, რომ გადავარჩინოთ ყველა, ვინც რუსეთის ტყვეობაშია.

ეს ოპერაცია საკმაოდ დიდი ხნის განმავლობაში მზადდებოდა და გაცვლას რამდენიმე კომპონენტი ჰქონდა. პირველი კომპონენტი: ჩვენ გავცვალეთ რუსეთის ერთი ფანატიკოსი 200 მებრძოლში. თავიდან შემოგვთავაზეს ჩვენი 50 ადამიანის დაბრუნება იმ ერთის სანაცვლოდ, ვინც SBU-ს იზოლატორში იმყოფებოდა. ჩვენ ვსაუბრობდით, დაჟინებით ვითხოვდით. რიცხვი 50-ის ორასამდე გაიზარდა. ისინი უკვე უკრაინაში არიან. ვფიქრობ, ეს კარგი შედეგია.

თუმცა 200-ზე მეტიც კი... იმიტომ რომ გათავისუფლებულ უკრაინელ ქალებს შორის არიან ისეთებიც, რომლებიც დედობისთვის ემზადებიან და განსაკუთრებით ბედნიერი ვარ, რომ ახლა უკვე შესაძლებელი გახდა მათი დაბრუნება უკრაინაში.

სამწუხარო არ არის მედვედჩუკის გაცვლა ნამდვილ მეომრებში. მან გაიარა კანონით გათვალისწინებული ყველა საგამოძიებო მოქმედება. უკრაინამ მისგან მიიღო ყველაფერი, რაც სისხლის სამართლის პროცესის ფარგლებში სიმართლის დასადგენად იყო საჭირო.

მეორე კომპონენტი: 200 ჯარისკაცის გარდა დავაბრუნეთ კიდევ ხუთი საბრძოლო მეთაური, რომლებისთვისაც მოგვიწია ბრძოლა ყველაზე მეტად, ყველაზე ხანგრძლივად, ურთულესად. მათ ყველაზე უარესი ემუქრებოდნენ. ხუთი სუპერგმირი.

მათ სანაცვლოდ ჩვენ მივეცით 55 ადამიანი, რომლებიც არც მოწყალებას იმსახურებენ, არც თანაგრძნობას და არც სიტყვებს, ვინც უკრაინის წინააღმდეგ იბრძოდა და ვინც უღალატა უკრაინას. ვინც ჩვენ ნამდვილად არ გვჭირდება.

უკრაინა დათანხმდა თურქეთს, ამის შესახებ პრეზიდენტ ერდოღანს ვესაუბრე, რომ ჩვენი ხუთი მეთაური, რომლებიც ტყვეობიდან გათავისუფლდა, იქნება სრულ უსაფრთხოებაში, კომფორტულ პირობებში და თურქეთის პრეზიდენტის პირადი დაცვის ქვეშ ომის დასრულებამდე. მაგრამ ჩვენ მათ ოჯახებს მივცემთ მათი ნახვის შესაძლებლობას.

ბოლო ამბები:

ვოლოდიმირ ზელენსკი ზელენსკი: ჩვენ გავცვალეთ რუსეთის ერთი ფანატიკოსი 200 მებრძოლში

კომენტარები

კვირის ტოპ-5

გირჩევთ

ახლა კითხულობენ

უკრაინამ რუსეთის კრასნოდარის მხარეში ნავთობის საცავი დაბომბა