ამის შესახებ ევროკომისიის პრეზიდენტმა ჟურნალისტებთან პრესკონფერენციაზე განაცხადა.

რატომ არის მნიშვნელოვანი: ლაიენის განცხადებით, ამის მიზანი რუსეთის იმ შემოსავლების შემცირებაა, რასაც პუტინი უკრაინაში ომის დასაფინანსებლად იყენებს.

  • 2 სექტემბერს დიდმა შვიდეულმა მიიღო გადაწყვეტილება, ლიმიტი რუსული ნავთობის ფასზე დაწესდეს.

დეტალები: ლაიენის თქმით, EU-მ წარადგინა წინადადებები ბუნებრივ აირისა და ელექტროენერგიის გაზრდილი ფასის შესამცირებლად, რაც ფასზე ლიმიტის დაწესებასთან ერთად, ელექტროენერგიის მოხმარების შემცირებასაც გულისხმობს.

  • Reuters მიუთითებს, რომ ელექტროენერგიისა და საწვავის ფასის მატება რუსეთის მიერ ევროპისთვის ბუნებრივი აირის მიწოდების შეზღუდვას უკავშირდება.
  • ევროკავშირის წევრი ქვეყნების ენერგეტიკის მინისტრები წინადადებებს პარასკევს, 11 სექტემბერს განიხილავენ.

საპასუხოდ, პუტინი უკვე იმუქრება, რომ ლიმიტის დაწესების შემთხვევაში, რუსეთი ევროკავშირის ქვეყნებისთვის გაზისა და ნავთობის მიწოდებას შეწყვეტს.

არქივიდან: რუსეთმა "არამეგობრული" ქვეყნებისგან ენერგორესურსების საფასურის რუბლში გადახდა მოითხოვა — უარის გამო კი, ფინეთს, ბულგარეთსა და პოლონეთს გაზის მიწოდება შეუწყვიტა.

  • საპასუხოდ პოლონეთი და ბულგარეთი სამართლებრივ ნაბიჯებს განიხილავენ.
  • გერმანიამ თხევადი ბუნებრივი აირის (LNG) პირველი მცურავი ტერმინალის სამშენებლო სამუშაოები დაიწყო.
  • ევროკავშირმა უკვე მიიღო სანქციების მე-6 პაკეტი, რომელიც რუსულ ნავთობს ნაწილობრივ შეეხო.