ადგილზე შეძენილი ბილეთები, სტივენ ტაილერის სიგიჟე და Dream On კრის კორნელისთვის
წვიმის, ღრუბლებისა და "დაბნელების" მიუხედავად, 1970-იანი წლების ამერიკული როკ-ჯგუფის შოუს ცოცხლად სანახავად, მსმენელმა, ბლექ სი არენას მიმდებარე ტერიტორიაზე, შეკრება ადრიანად დაიწყო.
წვიმამ მალე გადაიღო, თუმცა ისინი, ვისაც საქართველოს რკინიგზისგან უფასო, ფერადი საწვიმარები არ შეხვდათ, ანალოგიურს 10 ლარად, ადგილზე, ყიდულობდნენ.
Aerosmith-ის ბილეთები 25 თებერვალს, ონლაინ პლატფორმებზე გამოქვეყნებიდან რამდენიმე საათში, სრულად გაიყიდა, თუმცა, კონცერტის მოახლოების დღეს, ქართული ინტერნეტი "ზედმეტი ბილეთების" გაყიდვით დაინტერესებულ პირთა პოსტებით აჭრელდა.
უამრავი ფანი ბილეთის გარეშე დარჩა, თუმცა, ზოგისთვის აეროსმიტის ბოლო მსოფლიო ტურნეზე დასწრება შეუფასებელი იყო. სტივენ ტაილერის ბენდის კონცერტზე ჩასული მსმენელის მნიშვნელოვანი ნაწილი ამბობდა, რომ, 50 და 70 ლარიანი ბილეთი 150 და უფრო მაღალ ფასად შეიძინეს.
20 მაისს, ბილეთები იყიდებოდა ბლექ სი არენას მიმდებარე ტერიტორიაზეც. ქართულად მოსაუბრე ქალი და კაცი, რომლებიც ადგილზე აეროსმიტის კონცერტზე დასასწრებ ბილეთებს ყიდდნენ, On.ge-ს სომხეთიდან ჩამოსულ ცოლ-ქმრად გაეცნო. მათ გვითხრეს, რომ გადამყიდველები არ იყვნენ, მიუხედავად იმისა, რომ 200 ლარიანი ბილეთი 100 დოლარად გაყიდეს.
როგორც მათ On.ge-ს უთხრეს, რამდენიმე ადამიანი აპირებდა კონცერტზე მათთან ერთად დასწრებას, თუმცა მათ საქართველოში ჩამოსვლა მოგვიანებით გადაიფიქრეს და ამიტომ მოუწიათ ბილეთების გაყიდვა.
როგორც აზერბაიჯანელმა ტურისტმა გვითხრა, აღნიშნული პირისგან ერთი ბილეთი 100$-ად იყიდა. იგივე პირისგან, 200 ლარად იყიდა ბილეთი ადგილობრივმა გივი ჩხაიძემ.
"ჩემი საყვარელი როკ-ჯგუფი არ არის, თუმცა ათეულში შედიან. ჩემი ასაკის ხალხია და მოვედი მოსასმენად" - გვითხრა გივიმ.
იყვნენ კონცერტზე მარტო ჩამოსულებიც. მაგალითად ანა ძებისაშვილი, რომელიც თავის სამეგობროში ერთადერთი იყო, რომელმაც 25 თებერვალს მოასწრო ბილეთის შეძენა:
"ბილეთები tkt.ge-დან ვიყიდე. მთელი სამეგობრო ვაპირებდით, მაგრამ მარტო მე მოვასწარი ყიდვა და კონცერტზე მარტო მოვედი. დღეს ჩამოვედი და დღესვე უკან ვბრუნდები თბილისში, მიღირს ყველანაირად, ეს ხომ მათი [აეროსმიტის] ბოლო ტურნეა".
ანას მოლოდინები კონცერტის შესახებ მაღალი იყო, ის კმაყოფილი იყო ჯგუფის მიერ შერჩეული ტრეკ-ლისტითაც:
"ძალიან დიდი ხანია ველოდები, არც მეგონა საქართველოში ასეთი მაგარი ბენდი თუ ჩამოვიდოდა, მაგრამ 2 წლის წინანდელი Open Air-ის მერე დიდად აღარ მიკვირს. თუ სკორპიონსი, მიუხედავად თავისი ასაკისა, ესეთი კარგი იყო, წარმომიდგენია აეროსმიტი როგორი იქნება. თვითონ სტივ ტაილერი ვიცი რომ ძალიან, ძალიან მაგარი ტიპია და დარწმუნებული ვარ, რომ ძაან მაგარ შოუს დადგამს, ადამ ლევინისგან განსხვავებით. ძალიან ველოდები და მთელი ბავშვობაა ვუსმენ.
მინდოდა Pink ემღერა, მაგრამ სამაგიეროდ Cryin'-ს და Dream On-ს იმღერებს. ყველაფერი ვერ აგიხდება. მთავარია, რომ სიიდან ბევრი სიმღერა ვიცი".
ბლექ სი არენას წინ მისული მსმენელის რიგები 5 საათისთვის უკვე სწრაფად იზრდებოდა, თუმცა როგორც აღმოჩნდა, მსმენელი არ იყო სრულად ინფორმირებული, ან მომზადებული, რომელ შესასვლელთან უნდა მოეცადათ. რიგები არათანაბრად იყო დაკავებული, სწორედ ამიტომ, 7 საათზე, როდესაც ჭიშკარი საბოლოოდ გაიღო, რამდენიმე რიგი უფრო სწრაფად დასრულდა, ვიდრე დანარჩენი.
ამას გარდა, რამდენიმე საათის განმავლობაში რიგში მდგარმა მსმენელმა, რომელმაც ბილეთები Biletebi.ge-ზე შეიძინა, შესვლისას შეიტყო, რომ იმ მოსაცდელში მხოლოდ tkt.ge-ზე შეძენილი ბილეთების პატრონები უნდა მდგარიყვნენ და სხვა რიგში გადანაცვლება და ადგილის დაკავება მოუწიათ.
მსმენელთა რიგებმა ბლექ სი არენას მოსაცდელებში გადაინაცვლა, ადგილზე მათ 6 ლარად 2 ნაჭერი პურისგან გაკეთებული სენდვიჩების, ან ჩიფსის პატარა ყუთის შეძენა შეეძლოთ. ადგილზე ხელმისაწვდომი იყო 0,5 ლიტრი წყალი - 2 ლარად და სხვადასხვანაირი ალკოჰოლური სასმელი.
9 საათზე რიგში მდგარი მსმენელის პირველი ტალღის ლოდინი დასრულდა და მათ ბლექ სი არენას დარბაზში შეაღწიეს, ამ დროს ბენდს საუნდ-ჩექი უკვე გავლილი ჰქონდა.
Aerosmith-ის კონცერტი ბლექ სი არენაზე ზუსტად 22:12-ზე დაიწყო. ხანგრძლივი ლოდინის მიუხედავად, მსმენელი ლეგენდარულ როკ-ჯგუფს დიდი ოვაციებით შეხვდა.
69 წლის სტივენ ტაილერის, 66 წლის ჯო პერის, 65 წლის ტომ ჰამილტონის, 65 წლის ბრედ უიტფორდისა და 66 წლის ჯოუი კრამერის სიგიჟე და ენერგია პირველივე წუთებიდან გადაედო მსმენელს. როცა ტაილერი სცენაზე არ იწვა, მაშინ პერი გიტარას ზურგს უკან უკრავდა.
ერთ ხმაში ნამდვილად არა, თუმცა ტაილერთან ერთად მღეროდა მსმენელიც. თითქმის 2 საათიანი კონცერტის განმავლობაში, გოლდენ რინგის სივრცეში მყოფი მსმენელი შეუჩერებლივ მიყვებოდა იმას, რაც სცენაზე ხდებოდა, დასაჯდომ სივრცეში მყოფი მსმენელის დიდი ნაწილი კი, ბოლო სიმღერებს ფეხზე შეხვდა.
კონცერტის განმავლობაში სტივ ტაილერი მსმენელთან ჩავიდა და მათთან ერთად განაგრძო სიმღერა. დიდ ეკრანებზე მსმენელი მოულოდნელად საკუთარ თავს აღმოაჩენდა.
დაანონსებული 17 სიმღერიდან 15, ბენდმა შეუსვენებლად შეასრულა, Dude (Looks Like a Lady)-ის დასრულების შემდეგ, კი ჯგუფის წევრებმა დარბაზი დატოვეს.
ამ დროს სცენაზე თეთრი როიალი შემოიტანეს. ეკრანებზე ამერიკელი მუსიკოსის, კრის კორნელის სურათი გაეშვა, დარბაზში კი მისი სიმღერა ისმოდა. ცოტა ხანში სცენაზე Aerosmith დაბრუნდა. ტაილერმა თქვამ რომ სურდა Dream On კრის კორნელისთვის მიეძღვნა, რომელმაც რამდენიმე დღის წინ, თვითმკვლელობით დაასრულა სიცოცხლე.
ერთდროულად სევდიანი, ცეცხლოვანი და ძალიან ემოციური იყო ამერიკული სიმღერა ოცნებებზე. ტიროდა ტაილერი და მასთან ერთად მსმენელის ნაწილიც.
ბოლო სიმღერამ არენაზე კვლავ ენერგია დააბრუნა, მისი დასრულების შემდეგ კი ჯგუფი მსმენელს დაემშვიდობა და მომავალი შეხვედრის იმედი დაუტოვა, ამ დროს დარბაზში ფერადი ფურცლების წვიმა წამოვიდა.
ტაილერმა კონცერტის დასრულებისას მსმენელში თავისი ნივთი გადააგდო, თუმცა, როგორც ყოველთვის, ახლაც უცნობია ვინ გახდა მისი იღბლიანი მფლობელი.
როკ-ჯგუფმა მასშტაბური ევროტურის შესახებ გასული წლის 14 ნოემბერს გამოაცხადა. ტურნეს ფარგლებში ჯგუფი ეწვევა ისრაელს, საქართველოს, რუსეთს, გერმანიას, პოლონეთს, დანიას, შვედეთს, დიდ ბრიტანეთს, ირლანდიას, საფრანგეთს, იტალიას, პორტუგალიას, ესპანეთსა და შვეიცარიას.
კონცერტი საქართველოში პროექტ Check in Georgia-ს ფარგლებში გაიმართა. საქართველოში Aerosmith-ის კონცერტის გამართვა ბიუჯეტს 5,5 მილიონი ლარი დაუჯდა.
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
-
გადახედვაოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან ოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან
-
გადახედვაქალს გულის მექანიკური ტუმბო და ღორის თირკმელი გადაუნერგეს — ისტორიაში პირველად ქალს გულის მექანიკური ტუმბო და ღორის თირკმელი გადაუნერგეს — ისტორიაში პირველად
-
-
გადახედვა2023 წელს ემიგრანტების რიცხვი 95.6%-ით გაიზარდა — საქსტატი 2023 წელს ემიგრანტების რიცხვი 95.6%-ით გაიზარდა — საქსტატი
-
-
გადახედვადააკავეს პირი, რომელმაც 21 400 დოლარის და 600 ევროს ოდენობის ყალბი კუპიურები გაასაღა დააკავეს პირი, რომელმაც 21 400 დოლარის და 600 ევროს ოდენობის ყალბი კუპიურები გაასაღა
-
გადახედვასომხეთმა და აზერბაიჯანმა, საზღვრის დელიმიტაციის შესახებ, შეთანხმებას მიაღწიეს — სომხეთში გადაწყვეტილებას პროტესტით შეხვდნენ სომხეთმა და აზერბაიჯანმა, საზღვრის დელიმიტაციის შესახებ, შეთანხმებას მიაღწიეს — სომხეთში გადაწყვეტილებას პროტესტით შეხვდნენ
-
-
გადახედვააფხაზეთში ანგარიშები გაუყინეს არასამთავრობო ორგანიზაციას, რომელიც მოსახლეობას მატერიალურ და იურიდიულ დახმარებას უწევს აფხაზეთში ანგარიშები გაუყინეს არასამთავრობო ორგანიზაციას, რომელიც მოსახლეობას მატერიალურ და იურიდიულ დახმარებას უწევს
-
გადახედვაარსებობს საფრთხე, რომ თქვენი პერფორმანსი ოცნებამ წინასაარჩევნო კამპანიისთვის გამოიყენოს, გთხოვთ, გაეცნოთ საგანგაშო პოლიტიკურ ვითარებას — მიმართვა Massive Attack-ს არსებობს საფრთხე, რომ თქვენი პერფორმანსი ოცნებამ წინასაარჩევნო კამპანიისთვის გამოიყენოს, გთხოვთ, გაეცნოთ საგანგაშო პოლიტიკურ ვითარებას — მიმართვა Massive Attack-ს
-
გადახედვაორი პოლიციელი დაიღუპა თავდასხმის შედეგად ყარაჩაი-ჩერქეზეთში ორი პოლიციელი დაიღუპა თავდასხმის შედეგად ყარაჩაი-ჩერქეზეთში
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
კომენტარები