The Wall Street Journal ოფიციალურ პირებზე დაყრდნობით წერს, რომ გადაწყვეტილებას მომდევნო კვირებში ბაიდენის ადმინისტრაცია გამოაცხადებს.

რატომ არის მნიშვნელოვანი: მედიის ცნობით, ოპერაციისთვის სახელის დარქმევა ოფიციალურად აღიარებს აშშ-ს სამხედრო ჩართულობას, ისევე როგორც პენტაგონმა ეს ერაყსა და ავღანეთში გააკეთა.

  • სტატიაში ვკითხულობთ, რომ სწავლებებისა და დახმარების სახელწოდება ბიუროკრატიულად მნიშვნელოვანია, რადგან ის გულისხმობს გრძელვადიან, მიზანმიმართულ დაფინანსებას, ასევე, სპეციალურ ანაზღაურებასა და ჯილდოების შესაძლებლობას სამხედროებისთვის, რომლებიც მონაწილეობენ ოპერაციაში.
  • ხოლო გენერლის არჩევა გულისხმობს სარდლობის შექმნას, რომელიც პასუხისმგებელია სამხედრო ძალისხმევის კოორდინაციაზე და უზრუნველყოფს უკრაინელებისთვის სტაბილურ წვრთნებსა და დახმარებას.

დეტალები: თეთრი სახლის განცხადებით, აშშ უკრაინას გრძელვადიან დახმარებას 3 მილიარდის სახით უკვე დაჰპირდა.

  • პენტაგონის თქმით, უახლესი პაკეტი შექმნილია იმისთვის, რომ დაეხმაროს უკრაინას გრძელვადიან პერსპექტივაში, რათა შექმნას თავისი არმია.
  • ეს იყო მე-19 დახმარების პაკეტი მას შემდეგ, რაც რუსეთი შეიჭრა უკრაინაში.
  • აშშ-ის დახმარების პაკეტების საერთო ღირებულება, დაახლოებით, 11 მილიარდი დოლარია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება მსოფლიოში.